बलरा नगरपालिकामा तीन महिनादेखि तालाबन्दी: सेवाग्राही र कर्मचारी मर्कामा

फागुन १६, २०७५ बिहीबार १५:५९:३ | रामबाबु खड्का

सर्लाही - सर्लाहीको बलरा नगरपालिकामा तीन महिनादेखि तालाबन्दी भएका कारण सेवग्राही तथा कर्मचारी मर्कामा परेका छन् ।

जनप्रतिनिधिहरुको बीचमा आपसी विवाद हुँदा पुस ४ गतेबाट नगरपालिकाको मुलढाेकामा तालाबन्दी भएको हो । नगर कार्यपालिका सदस्यहरुले तालाबन्दी गरेलगत्तै दोस्रो दिन सर्लाही क्षेत्र नम्बर ४ का संसद् अम्ररेश कुमार सिंंहको निर्देशनमा फेरि तालाबन्दी भएको मेयर अभय कुमार सिंंहले बताउनुभयो।

नगरपालिकामा लागेको तालाबन्दी खुलाउन धेरै पटक प्रयास गरे पनि सबै आ आफ्नो अडानमा रहेकाले समस्य भएको मेयर सिंहको भनाइ छ ।

नगर प्रमुखले कार्यपालिका सदस्यहरुलाई कुनै जानकारी नदिएर मनोमानी नीति तथा कार्यक्रम लागू गर्न खोजेकाले उप-मेयरको नेतृत्वमा बाध्य भएर तालाबन्दी गर्नु परेको ११ नम्बर वडाका अध्यक्ष योगेश्वर प्रसाद सिंहले बताउनुभयो। वडाको विकास बजेट कटौती गरेर धेरै विकास बजेट नगरको योजनामा राखेकाले तालाबन्दी गर्नु परेको वडा अध्यक्षहरुको भनाइ छ ।

तालाबन्दीका कारण आर्थिक वर्ष २०७५र०७६ को चालू योजना कार्यान्वयन गर्न समस्या परेको छ । निमित्त प्रशासकीय अधिकृत सुरेश साह भनुहुन्छ, तालाबन्दी खोल्ने विषयमा जनप्रतिनिधिसँग धेरै पटक छलफल भयो,उहाँहरुको बिचमा कुरा मिल्दैन ,हामी कर्मचारीहरुले के गर्न सक्छौं र , जनप्रतिनिधिहरु बाटै पटकपटक ज्यानै मार्ने सम्मको धम्की आउँछ, उहाँले गुनासो गर्नुभयो ।

मेयर र प्रशासकीय अधिकृतले बहुमतको कदर नगरेर एकलौटी रुपमा अघि बढन खोजेकाले कार्यपालिकाको बहुमत सदस्यले नीति तथा कार्यक्रमको पुनःबिचार गर्न माग गर्दै अनिश्चितकालीन तालाबन्दी गरेको वडा नम्बर-५ का वाडा अध्यक्ष मनोजमोहोन कुमार सिहले बताउनुभयो ।

नगर सभाले प्रत्येक वडामा ७० लाखको दरले विकास बजेट छुट्याएको छ । आपसी विवादको कारण नगरपालिकाले अहिले सम्म ६ लाख बाहेक अरु कुनै पनि योजना संचालन गर्न सकेको छैनन् ।

तालाबन्दीको कारण एकातिर विकास बजेट प्रभावित भएको छ भने अर्कोतिर नागरिकले स्थानीय तहबाट पाउने सेवा सुबिधाबाट नागरिक वञ्चित भएका छन ।
नगरपालिकामा कार्यरत २७ जना कर्मचारीले पनि अहिलेसम्म तलबभत्ता पाउन सकेका छैनन् । भनेको बेला तलब नपाएपछि घर खर्च टार्न मुस्किल परेको उनीहरुले गुनासो गरेका छन् । तालाबन्दीका कारण प्रविधितर्फका कर्मचारीहरुले भवन बाहिर बसेर हाजिर गरिरहेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्