रवीन्द्र अधिकारीको सपना थियो लक्ष्मणपुर बाँध भत्काउने

फागुन १६, २०७५ बिहीबार १७:४३:१९ | गोविन्द शर्मा

बाँके – संस्कृति पर्यटन तथा नागरिक उड्डयन मन्त्री रवीन्द्र अधिकारीलाई बाँकेवासीहरु लक्ष्मणपुर बाँध तथा कलकलवा तटबन्धसँग जोड्छन् ।

अधिकारीले भारत सरकारले निर्माण गरेको लक्ष्मणपुर बाँध र कलकलवा तटबन्धको मुद्दालाई राष्ट्रिय र अन्तर्राष्ट्रियकरण गर्नुभएको थियो ।

भारत सरकारले अन्तर्राष्ट्रिय सीमा नियमविपरीत निर्माण गरेको लक्ष्मणपुर बाँध र कलकलवा तटबन्धको विरोधमा पहिलोपटक अधिकारीको नेतृत्वमा बाँधनजिकै विरोध प्रदर्शन भएको थियो ।

दुई दशकअघि अधिकारी तत्कालीन नेकपा माले निकट अनेरास्ववियूको अध्यक्ष हुँदा उहाँकै नेतृत्वमा लक्ष्मणपुर बाँध भत्काउनुपर्ने मागसहित मार्चपास गरिएको थियो ।

तत्कालीन अनेरास्ववियू बाँकेका सचिव तथा हाल नेकपा नेपालगञ्ज उप–महानगरपालिका कमिटीका सचिव दत्तप्रसाद आचार्य अधिकारीले पहिलो पटक सीमाक्षेत्रका बासिन्दाको आवाजलाई राष्ट्रिय अन्तर्राष्ट्रिय स्तरसम्म पुर्‍याएको स्मरण गर्नुभयो ।

नेपालगञ्जबाट अधिकारी नेतृत्वको टोली भारतले निर्माण गरेको कलकलवा बाँध नजिकै पुग्न लाग्दा भारतीय सुरक्षाकर्मीले रोकेपछि नजिकैको होलिया गाउँमा सभा गरेको थियो ।

सभालाई सम्बोधन गर्दै अधिकारीले हजारौँ नेपाली भूमि डुबाउने गरी निर्माण गरिएको लक्ष्मणपुर बाँध तत्काल भत्काउनुपर्ने माग गर्नुभएको तत्कालीन विद्यार्थी नेता तथा हाल नेकपाका नेता सतिश निरौलाले बताउनुभयो ।

यसैबीच नेकपाले बिहीबार नेपालगञ्जमा स्व. अधिकारीप्रति श्रद्धाञ्जली अर्पण गरेको छ । त्यस क्रममा मन्त्री अधिकारीसँग निकट सम्बन्ध भएका पूर्व विद्यार्थी नेता तथा नेकपाका नेता रत्न खत्रीलगायतका नेता कार्यकर्ताका गहभरि आँशु देखिन्थ्यो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्