यूईएफए युरोपा लिग : चेल्सीको सहज जित, रेनेससँग हार्‍याे आर्सनल

फागुन २४, २०७५ शुक्रबार १०:४०:५५ | उज्यालो सहकर्मी

यूईएफए युरोपा लिगको पहिलो लेगमा चेल्सीले डाइनामो किभलाई तीन शून्यले पराजित गरेको छ । घरेलु मैदान स्टाम्फोर्ड ब्रिजमा भएको खेलमा चेल्सीको जितमा पेद्रो, विलियन र हुडसोन ओडेइले एक–एक गोल गरे ।

घरेलु दर्शक माझ चेल्सीले १७ औं मिनेटमा पेद्रोको गोलमार्फत खेलमा अग्रता बनायो । उनले ओलिभर जिरुडको पासको सदुपयोग गरेका थिए । पहिलो हाफमा एक गोलको अग्रता बनाउको चेल्सीले ६५ औं मिनेटमा दोस्रो गोल गर्‍याे ।

यसपटक उसका लागि विलियनले गोल गरे । त्यसपछि ९० औं मिनेटमा ओडोइले गोल गर्दै तीन शून्यको सहज जित दिलाए । चेल्सीले अब दोस्रो लेगको खेल डाइनामोको मैदानमा खेल्नेछ । यो जितले चेल्सीका प्रशिक्षक माउरीजीयो सारीलाई केही राहत भएको छ ।

यस्तै अर्को खेलमा आर्सनल भने रेनेससँग तीन एकले पराजित हुन पुग्यो । रेनेसको घरेलु मैदानमा भएको खेलमा १० खेलाडीमा झरेको आर्सनलविरुद्ध एक गोलको अग्रता उल्टयाएको हो ।

खेलको तेस्रो मिनेटमा नै आर्सनलले एलेक्स वाबीको गोलमा अग्रता बनाएको थियो । तर ४२ औं मिनेटमा बेन्जामिनले गोल गर्दै खेल बराबरीमा पुर्याए । ४१ औं मिनेटमा सोक्रासित दोहोरो पहेलो कार्ड पाउदै मैदानबाट बाहिरीएपछि आर्सनल १० खेलाडीमा झर्न पुग्यो ।

त्यसमा पनि ६५ औं मिनेटमा मोनरियलले आत्मघाती गोल गरेपछि आर्सनल दुई एकले पछि पर्यो । एक खेलाडी कम भएको फाइदा उठाउदै रेनेसले ८८ औं मिनेटमा तेस्रो गोल थप्यो । यसपटक उसका लागि सारले गोल गरे । त्यसपछि आर्सनललाई खेलमा फर्कन मौका मिलेन र पराजित भयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्