स्वराजले बालबालिकालाई फलफूल बाँड्दै भने- माथि बाबा पनि खुशी हुनुभयाे हाेला

फागुन २६, २०७५ आइतबार २०:११:५९ | सुमन गुरुङ

कास्की – स्व. रवीन्द्र अधिकारीको हेलिकप्टर दुर्घटनामा निधन भएको १२ औे दिन आइतबार स्वर्गीय अधिकारीका कान्छा छोरा स्वराजले पोखरा–१७ बिरौटामा रहेको श्रमिक बालबालिका केन्द्रमा रहेका बालबालिकालाई ५ हजार रुपैयाँ सहयोग गरे ।

उमेरले उस्तै लाग्ने बालबालिकाहरुको अगाडि स्वराजको भूमिका फरक थियो । आफू जस्तै उमेर समूहका बालबालिका अगाडि राखिएको बाबाको तस्बिरमा दर्शन गर्नेबित्तिकै सबैलाई ‘नमस्कार म स्वराज’ भनिरहँदा स्वर्गीय अधिकारीले कुनै कार्यक्रममा गएर ‘सबैलाई मेरो नमस्कार छ’ भनेको याद दिलायो ।

बाबालाई निकै सम्झिएका स्वराजले बाबाले ‘सधै सहयोगी बन्नुपर्छ है’ भन्ने गर्नुहुन्थ्यो भनिरहँदा उपस्थित सबैलाई भावुक बनायो ।

स्वराजले पनि भावुक हुँदै ‘आज मैले सहयोग गर्दा माथि बाबा पनि खुशी हुनुभयो होला’ भनेपछि उपस्थित सबैको आँखामा रसाएका थिए ।

बाबाको आत्माले शान्ति पाओस् भनेर आफूले सहयोग गरेको उनले बताए । उनले आफ्नो भनाइ राखिसक्दा सँगै रहेका काका र फूपूको आँखा रसाइसकेको थियो ।
उनले नगदसँगै त्यहाँ रहेका बालबालिकालाई फलफूल पनि बाँडेका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्