फिफा विश्वकप अन्तर्गत समूह एको अन्तिम खेलमा आज राति पौने आठ बजे साउदी अरेविया र इजिप्ट आमने सामने हुँदैछन् । समूहको पहिलो दुई खेलमा पराजय भोगेका दुवै टिम प्रतिष्ठाका लागि खेल्दैछन् ।

दुवै टिम जित हात पार्दै घर फर्किने लक्षमा हुनेछन् । पहिलो खेलमा साउदी अरेविया आयोजक राष्ट्र रुससँग ५–० को भारी अन्तरले पराजित भएको थियो भने दोस्रो खेलमा उरुग्वेसँग १–० ले पराजित हुन पुग्यो ।

मोहम्मद सलाहको इन्ज्युरीका कारण अपेक्षाकृत प्रदर्शन गर्न नसकेको इजिप्ट पहिलो खेलमा उरुग्वेसँग १–० ले पराजित भयो भने दोस्रो खेलमा रुससँग ३–१ को हार ब्यहोर्न बाध्य भयो । इजिप्ट विरुद्ध जित हात पारेर साउदी अरेविया समूहको तेस्रो स्थान हात पारेर घर फर्किन चाहन्छ । इजिप्टका लागि भने विश्वकपमा सन् १९९० पछिको पहिलो जित हुनेछ ।