डीआईजी शाहसँग जनप्रतिनिधिकाे गुनासाे : विप्लव समूहले पत्र लेखेर धम्क्याएका छन्

फागुन २७, २०७५ सोमबार १९:२२:१२ | अमर सुनार

दैलेख – दैलेखका स्थानीय तहका प्रमुखहरूले विप्लव नेतृत्वकाे नेकपाबाट आफूहरुथि सुरक्षा चुनौती रहेको बताएका छन् । जिल्ला भ्रमणमा आउनुभएका कर्णाली प्रदेशका इञ्चार्ज प्रहरी नायव महानिरीक्षक (डीआईजी) महेशविक्रम शाहसँगको भेटमा उनीहरुले आ-आफ्नाे दुखेसाे पाेखेका हुन् ।

जिल्ला प्रहरी कार्यालयमा डीआईजी शाहले जिल्लाका ११ वटै जनप्रतिनिधिहरुले समस्या दर्शाउने भेटघाट कार्यक्रम आयाेजना गर्नुभएको थियाे । भेटघाट कार्यक्रममा स्थानीय तहका प्रमुख, उप्रमुख र वडाअध्यक्षले पदबाट राजीनामा माग्दै विप्लव समूहले पत्र लेखेर धम्क्याएको बताएका थिए ।

पत्र र फोनबाट समेत चन्दाको बारेमा कुराकानी गर्ने गरेपछि सुरक्षा चुनौती बढेको जनप्रतिनिधिहरुले जानकारी गराएका थिए । गाउँमा योजना अनुगमनमा जाँदा हामीलाई चन्दा दिनु नत्र अनुगमन गर्न पाउनुहुन्न भनी विप्लव कार्यकर्ताले धम्क्याएको त्यहाँ उपस्थित एक जनप्रतिनिधिले सुनाए ।

जनप्रतिनिधिहरुको समस्या सुनिसकेपछि विप्लव समूहको गतिविधि प्रहरीले नियालेको जानकारी गराउदै आतंक मच्चाउनेलाई कारबाही गर्ने र सुरक्षा प्रभावकारी बनाइने डीआईजी शाहले जानकारी दिनुभयाे ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्