धनकुटाका लोकेन्द्र राईले अन्तर्राष्ट्रिय कराते प्रतियोगितामा स्वर्ण जिते

चैत ५, २०७५ मंगलबार १९:१०:१७ | सन्ताेष रुचाल

धनकुटा – बंगलादेशमा सम्पन्न भएको अन्तर्राष्ट्रिय कराते प्रतियोगितामा नेपालको प्रतिनिधित्व गरेका धनकुटाका लोकेन्द्र राईले स्वर्ण पदक जितेका छन् ।

बंगलादेशमा मार्च १५ र १६ गते सम्पन्न दोस्रो वल्टन कप अन्तर्राष्ट्रिय कराते प्रतियोगिता २०१९ मा नेपालका तर्फबाट लोकेन्द्र राईले स्वर्ण पदक हात पारेका हुन् । दुई दिनसम्म चलेको प्रतियोगिताको फाइनल चरणमा ६७ केजी तौल समूहको फाइनल खेलमा बंगलादेशका खेडालीलाई पछि पार्दै धनकुटा नगरपालिका–७, जिरोप्वाइन्टका खेलाडी लोकेन्द्रले स्वर्ण पदक विजेता बन्न सफल भएको धनकुटा कराते संघका अध्यक्ष तथा कराते प्रशिक्षक डिप्लव राईले बताए ।

यसअघि अन्तर्राष्ट्रिय प्रतियोगितामा नेपालको प्रतिनिधित्व गर्दै धनकुटा जिल्लाका खेलाडी डिप्लव राई, कुशल श्रेष्ठ तथा आफैले स्वर्ण पदक र शक्ति राईले कास्य पदक जितेका थिए ।

प्रतियोगितामा नेपाल, भारत, भुटान, श्रीलंका र बंगलादेशलगायत सार्क राष्ट्रका खेलाडीहरू सहभागी थिए । प्रतियोगितामा नेपालले ८ स्वर्ण, २ रजत र ६ कास्य पदकसहित पहिलो भएको थियो ।

स्वर्ण जितेर धनकुटा आइपुगेका राईलाई मंगलबार जिल्ला कराते संघ धनकुटाले स्वागत तथा बधाई ज्ञापन गरेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्