आईपीएल: रसलकाे शानदार ब्याटिङसँगै काेलकाताले हैदराबादलाई ६ विकेटले हरायाे

चैत १०, २०७५ आइतबार २०:४५:३४ | उज्यालो सहकर्मी

इण्डियन प्रिमियर लिग अन्तर्गत आज भएको पहिलाे खेलमा कोलकाता नाइट राइडर्स विजयी भएको छ ।

कोलकाताले सनराइजर्स हैदराबादलाई ६ विकेट ले हरायो । कोलकातास्थित मैदानमा भएको खेलमा टस हारेर ब्याटिङको निम्तो पाएको हैदराबादले २० ओभरमा तीन विकेट गुमाउँदै १८१ रनको बलियो योगफल तयार पारेको थियो ।

यसका लागि डेभिड वार्नरले ८५ रनको विस्फोटक इनिङ खेले । ५३ बलमा वार्नरले ९ चौका र ३ छक्का प्रहार गरेका थिए । विजय शंकरले पनि अविजित ४० रनको योगदान दिए । २४ बलमा उनले २ चौका र २ छक्का प्रहार गरेका थिए । यस्तै जोनी बेर्ष्टाेले ३९ रन जोडे ।

१८२ रनको लक्ष्य कोलकाताले २० ओभर पूरा हुन दुई बल बाँकी रहँदा चार विकेट गुमाएर पूरा गर्‍यो । कोलकाताका लागि नितिस रानाले ६८ रनको जोडे । उनले ४७ बलमा ८ चौका र ३ छक्का प्रहार गरेका थिए ।

एन्ड्र्यू रसेलले १९ बलमा ४९ रन बनाउँदा चार चौका र चार छक्का प्रहार गरे । रोबिन उथपाले ३५ तथा शुभमन गिलले १८ रनको योगदान दिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्