सबै जिल्लाका एसईई प्रश्नपत्र रुजु गर्न निर्देशन

चैत १५, २०७५ शुक्रबार १५:४:४८ | मदन पौड्याल

काठमाण्डौ – केन्द्रीय सुरक्षा समितिको बैठकले सबै जिल्लाका माध्यमिक शिक्षा परीक्षा(एसईई) को प्रश्नपत्र रुजु गर्न निर्देशन दिएको छ ।

शिक्षा, विज्ञान तथा प्रविधि मन्त्री गिरिराजमणि पोखरेलको निर्देशनमा बसेको केन्द्रीय सुरक्षा समितिको आकस्मिक बैठकले साँझसम्म ७७ वटै जिल्लामा प्रश्नपत्र रुजु गर्न निर्देशन दिएको हो । बैठकले परिक्षा पद्धतिलाई फेल गराउनेगरी सांगठनिक अपराध भएको निष्कर्षसमेत निकालेको छ ।

एसईईकाे सामाजिक विषयको प्रश्नपत्र आउट भएको पुष्टि

यो सामान्य घटना नभएकाले सुरक्षा निकायसँग पनि छलफल गरेको शिक्षा सचिव खगराज बरालले बताउनुभयो । प्रश्नपत्र बाहिरिनु सांगठनिक र लक्षित खालको अपराधजस्तो देखिएको भन्दै उहाँले सुरक्षा सबै संयन्त्र परिचालन गर्ने निर्णय भएको छ ।

एसईई : शुक्रबार हुने सामाजिक विषयको प्रश्नपत्र पनि ‘बाहिरियो’

उहाँले प्रश्नपत्र बाहिरिनु व्यवस्थापन मात्र नभएर सुरक्षाको पनि विषय भएको बताउनुभयो । प्रश्नपत्र रुजु गरेपछि साँझ ६ बजे उच्चस्तरीय सुरक्षा समन्वय समितिको बैठक बस्नेछ ।

एसईई : प्रश्नपत्र बाहिरिएपछि प्रदेश दुईकाे विज्ञान विषयकाे परीक्षा रद्द

परीक्षा सुरु हुनु अगावै प्रदेश २ मा विज्ञान र सामाजिक विषयको प्रश्नपत्र बाहिरिएको थियो । प्रश्नपत्र आउट भएपछि लगातार दोस्रो दिन प्रदेश २ मा एसईईको परिक्षा स्थगित भएको छ ।

एसईई परीक्षाको एक दिन अगाडि नै प्रश्नपत्र बाहिरियो

एकदिन अगाडि नै बुधबार विज्ञान विषयको प्रश्नपत्र आउट हुँदा बिहीबारको परीक्षा रद्द भएको थियो भने बिहीबार राति नै सामाजिक विषयको प्रश्नपत्र पनि बाहिरिएपछि शुक्रबारको परीक्षा पनि रद्द भएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मदन पौड्याल

उज्यालोमा कार्यरत मदन पौड्याल राजनीति, प्रशासन र समसामयिक विषयमा कलम चलाउनु हुन्छ। पौड्यालको भूकम्पपछिको पुनर्निर्माणमा दख्खल छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्