विद्यालय निर्माणका लागि विदेशबाट पठाइएको सहयाेग रकम पार्टी कार्यकर्ताको स्मृति खातामा

चैत २८, २०७५ बिहीबार १४:५५:२५ | सिताराम अधिकारी

धादिङ – उत्तरी धादिङको खनियाबास गाउँपालिका वडा नं–५, सत्यदेवीमा रहेको बच्छलादेवी मावि निर्माणका लागि विदेशी दाताले पठाएको रकम हिनामिना भएको छ ।

रकम विद्यालयको खातामा नआइ पार्टी कार्यकर्ताको नाममा रहेको स्मृति खातामा गएपछि गाउँबासी रुष्ट भएका हुन् ।

खनियाबास गाउँपालिका अध्यक्ष नै अध्यक्ष रहेको दामन पाख्रिन स्मृति प्रतिष्ठानको खातामा अष्ट्रेलियाबाट पठाइएको २० लाख रुपैयाँ जम्मा गरिएको तथ्य बाहिर आएको हो ।

०७२ वैैशाख १२ को भूकम्पमा विद्यालय भत्किएपछि अष्ट्रेलियन नागरिक मोयलया तोकमक (ःइथ्ब्ीक्ष्ब् त्इप्ःब्प्) ले सत्यदेवी भ्रमण गरी विद्यालय निर्माणका लागि अष्ट्रेलियन ३० हजार डलर सहयोग गर्ने बचनवद्धता दिएका थिए ।

मोयालियाले २० हजार अष्ट्रेलियन डलर पठाएको र रकम विद्यालयको खाता नदिइ गाउँकै दामन पाख्रिन स्मृति प्रतिष्ठानको खातामा जम्मा गराइएको र विद्यालयको खातामा ल्याउन पटक पटक माग गर्दा समेत नल्याएको विद्यालय व्यवस्थापन समितिका सदस्य निकिता तामाङले बताउनुभयो ।

पाहुनाले विद्यालय निर्माणका लागि रकम पठाएको बताइए पनि ३ वर्ष भइसक्दा समेत विद्यालय बनाउने रकम विद्यालयको खातामा नआएको विद्यालयका प्रधानाध्यापक बमबहादुर तामाङले बताउनुभयो ।

६ सय १६ विद्यार्थी अध्यायनरत बच्छलादेबी मावि रकम अभावमा निर्माणमा ढिलाइ भएपछि हालसम्म समेत जोखिमपूर्ण तरिकाले कच्ची भवनमै बसेर पढ्न बाध्य भएका छन् ।

अष्ट्रेलियन दाताले उपलब्ध गराएको रकमबाट विद्यालय निर्माण भएको भए सो बारे जानकारी दिन दाताले पटक पटक आग्रह गरेको भएपनि विद्यालय निर्माण नभएपछि अभिभावकहरु रुष्ट भएको अभिभावक निकिता तामाङले जानकारी दिनुभयो ।

विद्यालयका लागि आएको रकम दामन पाख्रिन स्मृति प्रतिष्ठानको खातामा गएकोसम्बन्धी विषयमा जिज्ञासा राख्दा प्रतिष्ठानका अध्यक्ष एवं खनियाबास गाउँपालिकाका प्रमुख रणबहादुर तामाङले प्रतिष्ठानको खातामा रकम आएको र विद्यालयलाई आवश्यक परेको बेला उपलब्ध गराउने बताउनुभयो ।

दामन पाख्रिन सेती प्रतिष्ठान नेपाली कांग्रेसका नेता दामन पाख्रिनको नाममा कांग्रेस कार्यकर्ताहरुले स्थापना गरेका हुन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्