लोकतन्त्र दिवसमै लोकलाई दुःख, सडकमा जाम, आकाशमा जहाज घुमेको घुम्यै

वैशाख ११, २०७६ बुधबार १२:५३:३३ | अर्जुन पोख्रेल

काठमाण्डौ – देशले लोकतन्त्र दिवस मनाइरहँदा राष्ट्रपतिको सवारीका कारण नागरिकले सडकदेखि आकाशसम्म दुःख खेपेका छन् । राष्ट्रपति विद्यादेवी भण्डारीको चीन भ्रमणको त्रिभुवन अन्तर्राष्ट्रिय विमानस्थलको आकाश झण्डै एक घन्टा बन्द गरिएको थियो ।

राष्ट्रपति भण्डारीको उडान समय बिहान ११ बजेर १० मिनेटमा थियो, तर नेपाल वायुसेवा निगमको जहाज भण्डारीलाई लिएर साढे ११ बजे मात्रै उडेको थियो । राष्ट्रपतिकै सवारीलाई ध्यानमा राखेर ४० मिनेट आकाश बन्द गर्ने पहिलेकै योजना थियो । तर उडान ढिलो हुँदा एक घन्टाभन्दा धेरै समय त्रिभुवन विमानस्थलबाट उडान र अवतरण बन्द गरिएको थियो ।

‘हामीले ४० मिनेट बन्द गर्ने योजना बनाएका थियौँ, तर उडान ढिलो हुँदा ५० मिनेट जति विमानस्थल बन्द हुन पुग्यो, हामीले अहिले म्यानेज गरिरहेका छौँ ।’ विमानस्थलका प्रवक्ता प्रतापबाबु तिवारीले उज्यालो अनलाइनसँग भन्नुभयो ।

विमानस्थल बन्द हुँदा चाइना साउदर्न, टर्किस, सलाम, सिचुआन, कतारलगायतका जहाजको उडान र अवतरण प्रभावित भएको थियो । यस्तै दर्जनौँ आन्तरिक उडान पनि प्रभावित भएका छन् ।

विमानस्थलको धावनमार्गमा नयाँ पिच थप्न राति १० बजेदेखि बिहान ८ बजेसम्म विमानस्थल बन्द हुँदा यसै पनि दिउँसो चाप हुने गरेको छ । त्यसमाथि राष्ट्रपति भण्डारीकै कारण झण्डै एक घन्टा विमानस्थल बन्द हुँदा अहिले उडान र अवतरण अस्तव्यस्त भएको छ ।

यदि राष्ट्रपतिको कारण विमानस्थल बन्द नभएको भए एक घन्टामा दुई दर्जनभन्दा धेरै उडान र अवतरण भैसक्ने विमानस्थलका कर्मचारीले बताएका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्