मासुका लागि अवैध रुपमा ल्याइएका एक ट्रक भैँसीसहित एकजना पक्राउ

असार १६, २०७५ शनिबार १९:२५:२० | प्रेमनारायण आचार्य

अर्घाखाँची – गोरुसिंगे–सन्धिखर्कमा बुटबलतर्फ लैजाँदै गरेको एक ट्रक भैँसीसहित एक जना पक्राउ परेका छन् ।

सन्धिखर्क नगरपालिका वडा नम्बर–२, प्रगति बजारका २१ वर्षका दिपक भूसाललाई प्रहरीले एक ट्रक भैँसीसहित पक्राउ गरेको हो । ट्रकमा मरेका भैँसी काठको फ्ल्याकले ढाकेर लुकाइ छिपाइ लैजाँदै गर्दा शनिबार दिउँसो नरपानीबाट प्रहरीले ट्रकलाई नियन्त्रणमा लिएको र एकजनालाई पक्राउ गरेको जनाएको छ ।

लु २ ख २०५ नम्बरको ट्रकमा मरेका दुई भैँसीसहित १५ भैँसी बुटबलतर्फ लैजाँदै गर्दा प्रहरीले भैँसी व्यापारीलाई पक्राउ गरेको हो । मासुका लागि बेच्न लगिएको एक ट्रक भँैसीमा १३ जिउँदो र २ वटा मरेका भैँसी भेटिएको प्रहरीले जनाएको छ ।

प्रमुख जिल्ला अधिकारी खिमराज भूसालको नेतृतवमा गएको प्रहरी प्रशासनको टोलीले भँैसी निकासी भैरहेको सूचानाको आधारमा त्यस ठाउँमा अनुगमन गर्दा ट्रकमा लुकाइ छिपाइ मरेका भैँसी लैजाँदै गरेको फेला परेको थियो ।

भैँसी व्यापारीले भैँसी पैठारीको लागि अपनाउनु पर्ने करेन्टाइन पास प्रमाणपत्र नबनाएकोले पशु बधशाला तथा मासु जाँच ऐन २०५५ को दफा ११ को २ अनुसार उनीहरुलाई कारबाही गरिने प्रमुख जिल्ला अधिकारी खिमराज भूसालले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्