शहीद भीमनारायण श्रेष्ठ अन्तरराष्ट्रिय आमन्त्रण गोल्डकप धनकुटामा सुरु

वैशाख २८, २०७६ शनिबार १९:३५:४५ | सन्ताेष रुचाल

धनकुटा - शहीद भीमनारायण श्रेष्ठ अन्र्तराष्ट्रिय आमन्त्रण गोल्डकप फुटबल प्रतियोगिताको १४ औँ संस्करण शनिबारदेखि सुरु भएको छ ।

उद्घाटन खेल रोयल फुटबल क्लब भारत र विन्दबासिनी फुटबल क्लब मोरङबीच भएको थियो । उद्घाटन खेलमा निर्धारित समयमा दुवै टीमबाट गोल हुन नसकेपछि टाइब्रेकरबाट नतीजा निकालिएकाे थियो । टाइब्रेकरमा ६ गोल गर्दै बिन्दाबासिनी फुटबल क्लब मोरङ विजयी भयाे ।

आइतबार आयोजक धनकुटा–११ र बिर्तामोड युनाडेड क्लब झापाबीच खेल हुनेछ । प्रप्रतियोगितामा रोयल फुटबल क्लब भारत, फ्रेन्डस् क्लब काठमाडौं, सशस्त्र प्रहरी बलको एपिएफ क्लब, आयोजक धनकुटा–११, बिर्तामोड युनाडेड क्लब झापा, विन्दाबासिनी फुटबल क्लब मोरङ, धरान फुटबल क्लब सुनसरी र दाउफिन्स क्लब क्यारुनको सहभागिता रहेको छ ।

प्रतियोगिताको विजेताले चार लाख रुपैयाँ र गोल्डकप, उपविजेताले दुई लाख रुपैयाँ पाउनेछन् । प्रतियोगितामा उत्कृष्ट खेलाडीलाई म्यान अफ दी म्याच, उत्कृष्ट गोलकिपर, उत्कृष्ट डिफेन्डर, उत्कृष्ट मिडफिल्डर, उत्कृष्ट स्ट्राइकर र म्यान अफ दि सिरिज (सर्वोत्कृष्ट) बाट पुरस्कृत गरिने तथा उत्कृष्ट प्रशिक्षकलाई पनि पुरस्कृत गरिने आयोजकले जनाएको छ ।

धनकुटाका भीमनारायण श्रेष्ठलाई विराटनगरमा तत्कालीन राजा वीरेन्द्रलाई बम हानेको आरोपमा पक्राउ गरी २०३५ मा गोली हानी हत्या गरिएको थियो । श्रेष्ठलाई एक वर्षअघि मात्रै राष्ट्रिय शहीद घोषणा गरिएको थियो । शहिद भीमनारायण श्रेष्ठको नाममा २०५५ मा स्थापित प्रतियोगिता २०६३ यता नियमित हुँदै आएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्