धनकुटाको स्थानीय उत्पादनलाई प्रोत्साहन गर्न कृषि मेला

जेठ ४, २०७६ शनिबार २०:१७:२६ | सन्ताेष रुचाल

धनकुटा – धनकुटाको सिधुवामा स्थानीय उत्पादनलाई प्रोत्साहन गर्ने उद्येश्यका साथ बृहत कृर्षि प्रदर्शनी मेलाको आयोजना गरिएको छ । सिधुवा क्षेत्र धनकुटाभरकै तरकारीको लागि पकेट क्षेत्रको रुपमा पनि चिनिन्छ ।

दुई दिनसम्म सञ्चालन हुने याे कृषि मेला प्रदर्शनीमा कृर्षक, उद्यमी, व्यवसायीहरुलाई आधुनिक खेती प्रविधिका औजार, रोग कीरा व्यवस्थापन, आधुनिक खेती गर्ने तरिका लगायतको बारेमा जानकारी दिने आयोजकले जनाएको छ ।

प्रधानमन्त्री कृषि आधुनिकीकरण परियोजना कार्यान्वयन इकाई तरकारी जोन सिधुवा, जोन सञ्चालक समिति, शुलभ बचत तथा ऋण सहकारी संस्था तथा सिधुवा बजार व्यवस्थापन समितिले यस कृषि मेला प्रद्धर्शनीको आयोजना गरेको तरकारी जोन सिधुवाका प्रमुख देवेन्द्र साहुले बताउनुभयो ।

कृषि प्रदर्शनीमा राखिएका कृषि उपजलाई सात बाली समूहमा विभाजन गरी प्रत्येक समूहका उत्कृष्टलाई पुरस्कृत गरिने आयोजकले जनाएको छ ।

प्रदर्शनीमा बन्दा, काउली, आलु लहरे बाली,अन्य तरकारी, फलफूल तथा लघु घरेलु तथा साना उद्योगबाट प्रशाेधित सामग्रीलाई समूह बनाएर राखिएको छ । त्यस्तै किसानले लगाएको तरकारी बालीलाई रोग तथा किराबाट बचाउन किरालाई पासोमा पार्ने प्रविधि फेरेमेन ट्रयाप समेत प्रदर्शनीमा राखिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्