स्याउडाँडा विमानस्थल: सम्भाव्यता अध्ययन दुई पटक, प्रगति शून्य

जेठ ३०, २०७६ बिहीबार १३:३०:२० | उपेन्द्र येक्तेन

पाँचथर - फिदिम नगरपालिका–८, रानिटारमा निर्माण हुने भनिएको स्याउडाँडा विमानस्थलकाे सम्भाव्यता अध्यय्न गरिएको एक दशक बित्नलाग्दा पनि काम सुरु भएको छैन ।

दुई पटक सम्भाव्यता अध्ययन भए पनि विमानस्थल निर्माण चरणमा भने पुग्न सकेकाे छैन । २०६७ सालमा पहिलोपटक सम्भाव्यता अध्यय्न गरिएको त्यस ठाउँमा अघिल्लो वर्षको जेठ महिनामा फेरि सम्भाव्यता अध्ययन गरिएको थियो । दुई पटकसम्म सम्भाव्यता अध्ययन भएपछि विमानस्थल निर्माण प्रक्रियामा अघि बढ्ने आशामा रहेका स्थानीय निर्माणको काम सुरु नभए पछि निराश हुन थालेका छन् ।

विमानस्थल नबन्ने हो कि भन्ने स्थानीयमा शंकासमेत उत्पन्न भएको छ । त्यस ठाँउमा विमानस्थल निर्माणको लागि स्थानीयले एक सय रोपनी जग्गा निःशुल्क र अन्य आवश्यक जग्गा प्रतिरोपनी दश हजार रुपैयाँको दरले उपलब्ध गराउने प्रतिबद्धता जनाएका थिए ।

अघिल्लाे वर्ष गरिएको सम्भाव्यता अध्ययनमा १२ सय मिटर लम्बाई र ३० मिटर चौडाइको रनवेका लागि अध्ययन गरिएको अध्ययन टोलिले बताएको थियो ।

आर्थिक वर्ष २०७६-०७७ को बजेटमा पनि कुनै तहबाट हवाइमैदान निर्माणको लागि नसमेटिएपछि विमानस्थल नबन्ने हो कि भन्नेमा जिल्लावासीको शंका बढ्न थालेको छ ।

हवाइमैदान निर्माणको जिम्मा संघीय सरकारको कार्यक्षेत्रमा पर्ने भएकाले संघीय सरकार र संघीय संसदसँग स्याउडाँडा हवाइमैदानको बारेमा छलफल भइरहेको प्रदेश एकका आर्थिक मामिला तथा योजनामन्त्री इन्दबहादुर आङबोले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्