परीक्षा नियन्त्रण कार्यालयकाे लापर्वाहीः धादिङका आठ जना विद्यार्थीकाे भविष्य अन्याेलमा

असार १४, २०७६ शनिबार १७:५४:३७ | सिताराम अधिकारी

धादिङ – एसईई परीक्षाफल प्रकाशित भएपछि नतिजा हेर्दै गरेकी अम्बिका थापा झसङ्ग भइन् । उनले परीक्षा नै नदिएको तीन वटा विषयमा परीक्षाफल प्रकाशित नभएको उल्लेख गरिएको थियो ।

परीक्षा नियन्त्रण कार्यालयमा पठाइएका फारमहरुमा कुनै गल्ती नगरेकाे र विद्यालयमा नै नभएको र आफूले पनि नपढेको विषयमा अनुपस्थित भनेर आएपछि उनी आक्रोशित बनेकी छिन् ।

परीक्षा नियन्त्रण कार्यालयको लापर्वाहीका कारण धादिङको गल्छी गाउँपालिका-८ मा रहेको गोगनपानी माध्यमिक विद्यालयकाका आठ जना विद्यार्थीको भविष्य अन्यौलमा परेको छ । दुई जना विद्यार्थीको जन्ममितिमा गडबडी भएको भनिएको छ भने छ जना विद्यार्थीको शंका पनि नगरेको विषयको परीक्षामा अनुपस्थित भएको देखाइएको छ ।

एसईईको परीक्षाफल हेरेपछि सिम्बोल नम्बर २६४७८७ की अम्बिका थापाले आफू अचम्ममा परेको बताइन् । अनिवार्य विज्ञानको परीक्षा दिएकी थापाको त्यो स्थानमा ग्रामर र ट्रान्सलेशन, जनसंख्या स्वास्थ्यको स्थानमा संस्कृति भाषा, ऐच्छिक प्रथम अर्थशास्त्रको स्थानमा अङ्ग्रेजी लेखिएर आयो ।

उल्लेखित विषयमा उनले परीक्षा नै नदिएको देखाइएको छ । परीक्षा नियन्त्रण कार्यालयको लापर्वाहीले गर्दा नै परीक्षामा थापाले दिएको विषय नभएको गोगनपानी माविका प्रधानाध्यापक रामहरी थापाले बताउनुभयो ।

अम्बिका थापा मात्र होइन दिया पन्तले प्रवेश पत्रमा समेत नभएको कर्मकाण्ड, पार्वती श्रेष्ठको ग्रामर एण्ड ट्रान्सलेशन, सन्ध्या रोक्काको ग्रामर एण्ड ट्रान्सलेशन र संस्कृत भाषा, शोभा श्रेष्ठको संस्कृत भाषा र लाइट, ग्रामर एण्ड ट्रान्सलेशन फलित ज्योतिष र उषा लामा संस्कृत भााषामा परिक्षामा अनुपस्थित भएको उल्लेख गरी परीक्षाफल प्रकाशित भएको छ ।

परीक्षामा राम्रो अंक ल्याउने भनिएका विद्यार्थीको परीक्षा नियन्त्रण कार्यालयको लापर्वाहीले परीक्षाफल नआएपछि उनीहरुको भविष्यको बारेमा चिन्ता बढेको प्रधानाध्यापक थापाले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्