देशभर मनसुन सक्रिय, धेरैजसो भूभागमा मध्यमदेखि ठूलो वर्षाको सम्भावना

असार २३, २०७६ सोमबार ८:५०:४९ | उज्यालो सहकर्मी

काठमाण्डौ – देशभर मनसुन सक्रिय भएको छ । मनसुनी न्यूनचापीय रेखा नेपालतिर सरिरहेकाले मनसुन सक्रिय भएको हो ।

मनसुनको समयमा ठाउँ–ठाउँमा तातेको जमिनमाथिको जलवाष्पयुक्त हावाले वायुमण्डललाई जोडेर काल्पनिक रेखा बन्छ । मौसम विज्ञानको भाषामा यसैलाई न्यूनचापीय रेखा भनेर बुझ्ने गरिन्छ ।

देशभर मनसुन सक्रिय हुँदा सोमबार देशका धेरैजसो ठाउँको मौसम सामान्यदेखि पूर्ण बदली रहने मौसम पूर्वानुमान महाशाखाले जनाएको छ । देशभरी नै मनसुनी बादल देखिएकाले पानी पर्ने सम्भावना भएको मौसमविद् सुवास रिमालले जानकारी दिनुभयो ।

रिमालका अनुसार सोमबार देशको केही ठाउँमा ठूलो र धेरै ठाउँमा मध्यमखालको पानी पर्ने सम्भावना छ । भारतमा बनेको न्यूनचापीय रेखा उत्तरतर्फ सरेकाले अबको केही दिन देशभरको मौसम बदली भएर पानी पर्ने उहाँले बताउनुभयो ।

नेपालमा सामान्य समयभन्दा १० दिन ढिलोगरी ५ असारमा कमजोर अवस्थामा पूर्वी भागबाट मनसुन प्रवेश भएको थियो । तर प्रवेश भएको केही दिनमै मनसुन रोकिएपछि वर्षा हुन सकेको थिएन । गएको शनिबारदेखि मनसुन सक्रिय हुँदा देशका धेरैजसाे भूभागमा वर्षा भइरहेको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्