भारतीय राजदूतावासले बनाउने जिम्मा लिएका विद्यालय र स्वास्थ्य चाैकी बनेनन्

साउन ७, २०७६ मंगलबार १६:४:५१ | सिताराम अधिकारी

धादिङ – भूकम्पले ध्वस्त भएका जिल्लाका ठूला १० विद्यालय र ५ स्वास्थ्य चौकी निर्माण सुरु हुन सकेको छैन ।

भारतीय राजदूतावासले निर्माणको जिम्मा लिए पनि निर्माण सम्पन्न गर्ने समय सकिँदा समेत निर्माण सुरु नभएको जिल्ला सदरमुकाममा आयोजित पुनर्निर्माणसम्बन्धी समीक्षा कार्यक्रममा जानकारी दिइएको हो ।

भूकम्प गएको चार वर्ष बितिसक्दा पनि निर्माण सुरु नभएपछि समस्या आएको कर्मचारीहरुले बताएका छन् । पुनर्निर्माण सकिएर विद्यालय भवनमा विद्यार्थी पढ्नु पर्नेमा टहरामा पढ्न बाध्य छन् भने स्वास्थ्यचौकी नबन्दा समस्या आएको स्वाथ्यकर्मीको गुनासो छ ।

भारतीय राजदूतावासले सालबास मावि चैनपुर, रानीपौवा मावि सल्यानटार, त्रिपुरासुन्दरी मावि खरी, मिन्दुका मावि नलाङ, ठूलोचौर मावि मैदी, बराहकालिका मावि ढोला, सल्यानकोट मावि सल्यानकोट, वृचेत मावि दार्खा, महेन्द्रोदय मावि गजुरी र महाकाली मावि कुम्पुर एक वर्षभित्र निर्माण गर्नेगरी ०७४ को सुरुवातमै जिम्मा लिएको थियो ।

भूकम्पका कारण धादिङमा ४ हजार ७३८ कक्षाकोठा क्षतिग्रस्त भएको थियो । २०७६ वैशाखसम्म २ हजार १६२ कक्षाकोठा निर्माण सम्पन्न भएको छ भने १ हजार ५४२ कक्षाकोठा निमाणधिन छ । अझै ५ सय ६० कक्षाकोठा निर्माण हुन बाँकी रहेको जिल्ला आयोजना कार्यान्वयन इकाइ शिक्षाले समीक्षाको अवसरमा जानकारी दिइएको हो ।

यसैगरी जिल्लाका ५ स्वास्थ्यचौकी भारतीय राजदूतावासले निर्माणको जिम्मा लिएर अझैसम्म पनि निर्माण सुरु गरेको छैन । सुनौलाबजार, कल्लेरी, ज्यामरुङ, मारपाक र ढोला स्वास्थ्यचौकी निर्माण नगरेको जिल्ला आयोजना कार्यान्वयन इकाई भवनका आयोजना प्रमुख कोषनाथ अधिकारीले जानकारी दिनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्