हुवावेले सार्वजनिक गर्‍याे ‘हार्मोनी ओएस’, गूगलको एन्ड्रोइडलाई टक्कर दिने

साउन २५, २०७६ शनिबार ९:५१:२७ | एजेन्सी

गूगलको एन्ड्रोइडलाई टक्कर दिन हुवावे टेक्नोलोजीले शुक्रबार ‘हार्मोनी ओएस’ नामक अपरेटिङ प्रणाली सार्वजनिक गरेको छ ।

हुवावले हामोनी ओएस सार्वजनिक गरेसँगै यसले एन्ड्रोइडलाई टक्कर दिने अनुमान गरिएको छ । यसका साथै अपरेटिङ सिस्टमका लागि अमेरिकी प्रविधिमा रहेको निर्भरता पनि घट्ने बताइएको छ ।

हार्मोनी ओएस सार्वजनिक गर्दै हुवावेका कन्जुमर बिजनेसतर्फका सीईओ रिचडए यूले यो अपरेटिङ सिस्टममा स्मार्ट स्पिकर भएको बताए । सीईओ यूका अनुसार यो सेन्सरमैत्री पनि रहेको छ । त्यसैले यो प्रणाली विभिन्न डिभाइसहरुमा प्रयोग गर्न सकिने पनि उनले बताए । यो अपरेटिङ सिस्टम स्मार्टफोनदेखि स्मार्ट स्पिकर र सेन्सरसम्म प्रयोग गर्न मिल्ने उनले बताए ।

सीईओ यूका अनुसार हार्मोनी ओएस माइक्रोकेर्नलमा आधारित रहेको छ । अर्थात कमभन्दा कम संसाधानको प्रयोग गरेर अपरेटिङ स्पीड बढाउन सकिन्छ । यसमा आर्क कम्पाइलर पनि रहेको छ । जसले सहयोगमा सी, सी प्लस, जाभा स्क्रिप्ट तथा कोटलिनजस्ता बडी ल्याङ्ग्वेजलाई समेत सपोर्ट गर्दछ ।

बेला–बेलामा चीन–अमेरिकाबीचको व्यापारिक सम्बन्धमा उतारचढाव आउँदा हुवावेले समस्या भोग्दै आएको छ । यसअघि हुवावेलाई गूगलले एन्ड्रोइड प्रयोग गर्न नदिने बताएको थियो । त्यसैले पनि उसले आफ्नै अपरेटिङ प्रणालीको विकास गर्ने बताएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्