नवलपरासीबाट लागुऔषधसहित दुई जना पक्राउ

साउन २५, २०७६ शनिबार १९:३२:३३ | दयाराम आचार्य

नवलपरासी - नवलपुरका दुई ठाउँबाट प्रहरीले शनिबार दिउँसो दुई जनालाई लागुऔषध सहित पक्राउ गरको छ ।

प्रहरीले मध्यविन्दु नगरपालिका-८, फूलबारीकाे पूर्व पश्चिम राजमार्गबाट पोखरा महानगरपालिका -१८, घर भएका २० वर्षीय कृष्ण गुरुङलाई लागुऔषध सहित पक्राउ गरेको हाे । उनको साथबाट प्रहरीले ठूलो परिमाणमा लागुऔषध बरामद गरेको छ ।

भैरहवाबाट पोखराका लागि छुटेको ना ५ ख ८६ ९८ नम्बरको बसमा लागुऔषध लुकाएर ल्याउँदै गर्दा गुरुङ्गलाई पक्राउ गरिएको जिल्ला प्रहरी कार्यालय नवलपरासी पूर्वका प्रहरी निरीक्षक राजेन्द्र अधिकारीले बताउनुभयो । पक्राउ परेका गुरुङको साथबाट प्रहरीले डाइजोपाम २५८ एम्पुल, नुफिन २५८ एम्पुल र फेनेरागन २५८ एम्पुल गरी ७७४ एम्पुल लागुऔषध बरामद गरेको छ ।

यस्तै प्रहरीले शनिबार नै मध्यविन्दु नगरपालिका-१०, अरुणखोला बजारबाट पोखरा महानगरपालिका-११, रानीपौवा बस्ने ३२ वर्षीय कुमार राईलाई पनि लागुऔषधसहित पक्राउ गरेको हाे । ना ५२ प २७ ०७ नम्बरको स्कुटरमा लागुऔषध लुकाएर ल्याउँदै गर्दा राईलाई पक्राउ गरिएको हाे । उनको साथबाट डाइजोपाम ३६ एम्पुल, नुफिन ३६ एम्पुल र प्रोमाथाईजन ३५ एम्पुल गरि एक सय सात एम्पुल लागुऔषध बरामद गरिएको प्रहरी निरीक्षक अधिकारीले बताउनुभयो ।

पक्राउ परेका दुवै जनालाई जिल्ला प्रहरी कार्यालय नवलपरासी पूर्वमा राखेर थप अनुसन्धान भइरहेको प्रहरी निरीक्षक अधिकारीले बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्