सडक निर्माण अलपत्र पार्ने ठेकेदार प्रक्राउ

जेठ ६, २०७५ आइतबार १८:५०:२८ | प्रेमनारायण आचार्य

अर्घाखाँची जेठ ६ – काम नगर्ने निर्माण व्यवसायीका प्रतिनधिलाई प्रहरीले प्रक्राउ गरेको छ ।

बीटी जयबाबा जेभी स्वयम्भु, काठमाडौं ठेकेदार श्याम श्रेष्ठका प्रमुख प्रतिनिधि बिवेक पौडेललाई सन्धिखर्कबाट प्रहरीले प्रक्राउ गरेको हो । जिल्लामा सञ्चालन भएका योजनाको प्रगतिका विषयमा आइतबार जिल्ला प्रशासनको आयोजनमा भएको कार्यक्रममा उपस्थित भएका पौडेललाई मुख्य ठेकेदार नआएसम्मका लागि हिरासतमा राखिएको प्रहरी निरीक्षक प्रदीप डिसीले बताउनुभयो ।

२०७१ पुस २४ गते सम्झौता गरी अहिलेसम्म पनि काममा प्रगति नभएकाले ठेकदार श्रेष्ठ जिल्लामा नआएसम्म पौडेललाई नछाड्ने प्रमुख जिल्ला अधिकारी खिमराज भूसालले जानाकारी दिनुभयो ।

ठेकेदारले पटक पटक काम गर्ने प्रतिवद्धता जाहेर गर्ने तर काम नगर्ने गरेको भूसालको भनाई छ । सालझन्डी ढोरपाटन सडक अन्तगर्त पाल्पाको कञ्चनदेखि अर्घाखाँचीको ढुडग्रीसम्म १८ किलोमिटरमा अहिलेसम्म २४ प्रतिशत मात्र काम भएको छ । त्यो योजनाका कारण बहुप्रस्तिष्ठित सडक नै अवरुद्ध भएको छ ।

एसएसीडीआरपी ३३७१२०४/०७१/०७२ – ००७ नम्बरका ठेक्का अन्तगर्त ४ करोड ९३ लाख ९६ हजार ८ सय ५० रुपैयाँमा लिएको टेण्डरबाट अहिलेसम्म १ करोड २२ लाख ८८ हजार ८ सय १ रुपैयाँ भुक्तानी भएको सालझन्डी ढोरपाटनका इञ्जियर अशोक पौडेलले जानाकारी दिनुभयो । पटक पटक ठेकदार सम्र्पक गरी काम गर्न भने पनि आलटाल गरेको पौडेलको भनाई छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्