देशभरको मौसम सामान्यतया बदली रहने, पहाडी भूभागमा राति ठूलो वर्षाको सम्भावना

भदौ १, २०७६ आइतबार ८:५३:७ | उज्यालो सहकर्मी

काठमाण्डौ – आइतबार देशभरको मौसम सामान्यतया बदली रहने मौसम पूर्वानुमान महाशाखाले जनाएको छ ।

मनसुनी न्यूनचापीय रेखा (मनसुनी वर्षा गराउने प्रणाली) औसतको स्थान (औसत स्थान भन्नाले भारतको उत्तरी राजस्थान, हरियाणा, दिल्ली, दक्षिण–उत्तर प्रदेश, दक्षिण बिहार, झारखण्ड र पश्चिम बंगालदेखि बंगालको खाडीसम्म बुझ्नु पर्ने हुन्छ ।) मा भए पनि भारतको राजस्थान र हरियाणामा न्यूनचापीय प्रणाली बनेकाले केही ठाउँमा भने पानी पर्ने सम्भावना भएको मौसमविद् मिनकुमार अर्यालले जानकारी दिनुभयो ।

अर्यालका अनुसार आइतबार मध्य र पूर्वका केही ठाउँमा दिउँसो र देशको सबैजसो पहाडी भेगमा राति ठूलो पानी पर्ने सम्भावना छ । अबको केही दिनको मौसम यस्तै किसिमको रहने पनि मौसमविद् अर्यालले बताउनुभयो ।

मेघगर्जन र चट्याङसहित पानी पर्ने सम्भावना भएकोले मेघगर्जन र चट्याङबाट बच्न आवश्यक सतर्कता अपनाउन महाशाखाले आग्रह गरेको छ । पहाडी भू–भागमा राति भारी वर्षाको सम्भावना भएकाले सडक यातायातमा अवरोध आउन सक्ने भएकोले यात्रा गर्दा सतर्कता अपनाउन पनि महाशाखाले अनुरोध गरेको छ ।

अन्तिम अपडेट: कात्तिक २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्