देशका अधिकांश भूभागमा बदली र वर्षाको सम्भावना

भदौ ८, २०७६ आइतबार ८:३५:४२ | उज्यालो सहकर्मी

काठमाण्डौ – आइतबार देशभरको मौसम बदली भएर अधिकांश स्थानमा वर्षा हुने सम्भावना रहेको मौसम पूर्वानुमान महाशाखाले जनाएको छ ।

स्थानीय वायुको प्रभाव र मौसमी न्यूनचापीय रेखा औसतभन्दा थोरै माथि भएकाले वर्षाको सम्भावना भएको मौसमविदले बताएका छन् ।

आइतबार दिउँसो देशको पूर्वी, मध्य र सुदूरपश्चिमका केही ठाउँमा मेघ गर्जनसहित पानी पर्ने सम्भावना छ, अन्य ठाउँमा पनि सामान्य वर्षा हुने सम्भावना रहेको मौसमविद् मिनकुमार अर्यालले बताउनुभयो ।

यस्तै, आइतबार राति मध्य र सुदूरपश्चिमका केही ठाउँमा ठूलो वर्षाको सम्भावना छ । अब केही दिनको मौसम यस्तै किसिमको रहने अनुमान गरिएको मौसमविद् अर्यालले बताउनुभयो ।

यस्तो छ आगामी तीन दिनको मौसम पूर्वानुमान

भदौ ८ गते (आइतबार)
दिउँसो : देशको पश्चिमी भू–भागमा सामान्य बदली र मध्य तथा पूर्वी भू–भागमा आंशिकदेखि सामान्य बदली रही पश्चिमका केही ठाउँमा र मध्य तथा पूर्वका थोरै ठाउँमा मेघगर्जनसहित हल्कादेखि मध्यम वर्षाको सम्भावना छ । पश्चिमी भू–भागका केही भूभागमा भारी वर्षाको सम्भावना छ ।

राति : देशको पश्चिमी भू–भागमा सामान्य बदली र मध्य तथा पूर्वी भू–भागमा आंशिकदेखि सामान्य बदली रही पश्चिमका केही ठाउँमा र मध्य तथा पूर्वका केही ठाउँमा मेघर्जनसहित हल्कादेखि मध्यम वर्षा हुने सम्भावना छ भने पश्चिमका केही ठाउँमा भारी वर्षाको सम्भावना छ ।

भदौ ९ गते (सोमबार)
दिउँसो : देशभरी सामान्य बदली रही केही ठाउँमा मेघ गर्जन र चट्याङसहित वर्षा हुनेछ । देशको पश्चिमी भू–भागका केही ठाउँमा भारी वर्षाको सम्भावना छ ।

राति : देशभरी सामान्य बदली रही केही ठाउँमा मेघ गर्जनसहित हल्कादेखि मध्यम वर्षा हुनेछ्र भने पश्चिमका केही ठाउँमा भारी वर्षाको सम्भावना रहेको छ ।

भदौ १० गते (मंगलबार)
दिउँसो : देशभरी सामान्य बदली रही केही ठाउँमा मेघगर्जनसहित वर्षा हुनेछ । पश्चिमी भू–भागका केही ठाउँमा भारी वर्षाको सम्भावना रहेको छ ।

राति : देशभरी सामान्य बदली रही केही ठाउँमा मेघ गर्जनसहित हल्कादेखि मध्यम वर्षा हुनेछ्र भने पश्चिमी भू–भागका केही ठाउँमा भारी वर्षाको सम्भावना रहेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्