'जुम्ला-रारा म्याराथन दौड'को उपाधि जुम्लाका धिरबहादुर र राममायालाई

भदौ ३०, २०७६ सोमबार १८:८:२८ | नेत्र शाही

जुम्ला –अन्तर्राष्ट्रियस्तरको दोस्रो 'जुम्ला–रारा अल्ट्राम्याराथन दौड' प्रतियोगितामा जुम्लाका धिरबहादुर बुढा र राममाया बुढाले जित हात पारेका छन् ।

जुम्ला सदरमुकामबाट ४९ किलोमिटर दूरीको म्याराथन दौडमा पुरुषतर्फ कर्णाली स्पोर्ट क्लब जुम्लाका धिरबहादुर बुढा पहिलो भएका हुन् । उनले ५ घण्टा १३ मिनेटमा दौड पूरा गर्दै प्रथम स्थान हासिल गर्न सफल भए । यसैगरी महिलातर्फ कर्णाली स्पोर्ट क्लबकै राममाया बुढा ६ घण्टा ४६ मिनेट ३५ सेकेण्डमा दूरी पार गर्दै पहिलो भइन् ।

यसैगरी पुरुषतर्फ धिरेन्द्र भण्डारी र त्रिभुवन आर्मी क्लबका देवराज महतारा क्रमशः दोस्रो र तेस्रो हुँदा महिलातर्फ जुम्लाकी मञ्जु रावत र त्रिभुवन आर्मी क्लबकी रेजिना भण्डारीले क्रमशः दोस्रो र तेस्रो भए ।

पहिलो हुनेले ७५ हजार रुपैयाँ, दोस्रो हुनेले ५० हजार रुपैयाँ र तेस्रो हुनेले ३० हजार रुपैयाँसँगै प्रमाणपत्र प्रदान गरियो । खेलाडीहरुलाई रकम कर्णाली प्रदेश सरकारले उपलब्ध गराएको हो । उपाधि उचाल्दा निकै खुशी भएको र अब थप माथिल्लो क्षेत्रमा दौडन हौसला मिलेको महिलातर्फ पहिलो भएकी राममाया बुढाले बताइन् ।

म्याराथन दौड प्रतियोगितामा चन्दननाथ नगरपालिकाका मेयर कान्तिका सेजुवाल, विश्व कीर्तिमानी म्याराथन धावक हरिबहादुर रोकाया, विश्व साइकल यात्री पुष्कर शाह, प्रमुख जिल्ला अधिकारी दुर्गा बञ्जाडेले संयुक्त रुपमा भाग लिनु भएको थियो ।

प्रतियोगितामा नेपालका विभिन्न म्याराथन क्षेत्रमा लामो अनुभव बोकेका खेलाडीले भाग लिएका थिए । नाम दर्ता गराएका ६० जना खेलाडीमध्ये ५३ जना खेलाडी दौडेर रारा ताल पुगेका थिए ।

आयोजकका अनुसार दौडमा भाग लिन नेपालसँगै भारत, नेदरल्याण्ड, बेलायत र डेनमार्कका आधा दर्जन खेलाडी जुम्लादेखि रारा पुगेका थिए । जुम्ला सदरमुकाम हुँदै च्यारे, डाँफे लेक, न्याउरी घाट, भुलभुले चुचेमारा हुँदै रारा जाने रुट तय गरिएको थियो ।

६ जना खेलाडीले अन्नपूर्णमा प्रतिस्पर्धा गर्न पाउने

म्याराथनमा पहिलो, दोस्रो र तेस्रो हुने धावकहरुले अन्नपूर्णमा पहिलो पटक हुन लागेको ‘अल्ट्रा म्याराथन २०१९’ को फाइनलमा विश्वका उत्कृष्ट धावकहरुसँग प्रतिस्पर्धा गर्न पाउनेछन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्