इटालियन सिरिएमा युभेन्टसको अपराजित यात्रा कायमै

 असोज ८, २०७६ बुधबार ६:४५:१७ | उज्यालो सहकर्मी
unn.prixa.net

इटालियन सिरिएमा युभेन्टसले अपराजित यात्रा कायमै राखेको छ । पाँचौँ चरणको खेल जारी रहँदा युभेन्टस ४ खेलमा जित तथा एक खेलमा बराबरी गरी १३ अंकका साथ शीर्ष स्थानमा रहेको छ ।

बुधबार बिहान भएको खेलमा युभेन्टसले ब्रेस्कालाई २–१ गोल अन्तरले पराजित गरेको हो । चौथो मिनेटमै युभेन्टस १ गोलले पछि परे पनि पछि खेलमा फर्किएको थियो । 

अलेफ्रेडोले गोल गर्दैै ब्रेस्कालाई अग्रता दिलाएका हुन् । तर ४० औं मिनेटमा ब्रेस्काका जोन चान्सलरले आत्मघाती गोल गरेपछि युभेन्टस् खेलमा फर्किएको थियो । 

क्रिष्टियानो रोनाल्डोबिनै मैदान उत्रिएका युभेन्टसका लागि मिरालेम पिजेनिकले ६३ औं मिनेटमा गरेको गोल नै निर्णायक बन्न पुग्यो । 

यस्तै, अर्को खेलमा हेल्स भेरोना र उडनेसले गोलरहित बराबरी खेलेका छन् ।

अन्तिम अपडेट: असोज १५, २०७६

तपाईको प्रतिक्रिया