पश्चिम अफ्रिकाका केही देशमा पछिल्लो दुई सय वर्षयताकै धेरै गर्मी
बैशाख ६, २०८१ बिहिबार
स्पेनिस ला लिगामा उपाधिको दावेदार टिम रियल मड्रिड ओसासुनालाई हराउँदै लिगको शीर्ष स्थानमा उक्लिएको छ ।
बिहीबार भएको खेलमा रियलले घरेलु मैदानमा ओसासुनालाई २–० ले हरायो । रियलको जितमा भिनिसियस जुनियर र रोद्रिगोले एक–एक गोल गरे । सुरुवाती आधा घण्टा गोलरहित बराबरी खेलेको रियलले ३६ औं मिनेटमा अग्रता बनायो । उसका लागि टोनी क्रुसको पासमा भिनिसियस जुनियरले गोल गरे ।
पहिलो हाफमा एक गोलको अग्रता बनाएको रियलले दोस्रो हाफमा थप एक गोल गर्यो । ५७ हजार दर्शकमाझ भएको खेलमा रियलका लागि ७२ औं मिनेटमा रोद्रिगोले गोल गर्न सफल भए । त्यसपछि पनि रियलले अरु केहि मौका पाए पनि गोल थप्न सकेन ।
यो जितले रियलले ६ खेलमा १४ अंक बनाउँदै लिगको शीर्ष स्थानमा उक्लिएको छ । दोस्रो स्थानमा रहेको एट्लेटिको मड्रिडको समान खेलबाट १३ अंक रहेको छ ।