श्रीलंकाविरुद्धको शृंखलामा पाकिस्तानको जित

असोज १६, २०७६ बिहीबार ७:२७:४० | उज्यालो सहकर्मी

तेस्रो तथा अन्तिम एकदिवसीयमा पनि श्रीलंकालाई ५ विकेटले पाराजित गरी दशकपछि घरेलु मैदानमा खेलेको पाकिस्तानले शृंखला जितेको छ । पाकिस्तानले पहिलो खेल ६७ रनले जितेको थियो भने दोस्रो खेल वर्षाले रद्ध भएको थियो ।

कराँचीस्थित राष्ट्रिय रंगशालामा २९८ रनको लक्ष्य पाकिस्तानले १० बल अगावै ५ विकेट गुमाएर भेट्टाएको हो । पछिल्लो ३ वर्षमा पाकिस्तानको यो सर्वाधिक रनचेज जित हो ।

ओपनरहरु फाखर अजाम र अविद अलीले पहिलो विकेटका लागि १२३ रनको साझेदारी गर्दै पाकिस्तानको जितको खाका कोरेका थिए ।

९१ बलमा ७६ रन प्रहार गरेका अजमले १ छक्का र ७ चौका प्रहार गरे । ६७ बलमा ७४ रनको योगदान गरेका अलीले १० चौका प्रहार गरे ।

बाबर अजामले ३१ र कप्तान सर्फराज अहमदले २३ रन बनाए । पाँचौं नम्बरमा ब्याटिङ गर्न आएका ह्यारिस सोहेलले ५० बलमा ५५ रनको अर्धशतकीय पारी खेले ।

२२ बलमा २८ अविजित रन बनाएका इफ्तिखर अहमदले लगातार छक्का र चौका प्रहार गरी पाकिस्तानले घरेलु भूमिमा शृंखला जिताए । बलिङमा श्रीलंकाका नुवान प्रदीपले २ विकेट लिए ।

यसअघि टस जितेर पहिले ब्याटिङ गरेको श्रीलंकाले ओपनर धनुस्का गुनाथिलाकाको सानदार शतकको सहयोगमा ९ विकेट गुमाएर २९७ रनको योगफल खडा गरेको थियो ।

४४.३ ओभरमा मोहम्मद आमिरको बलमा बोल्ड हुनुअघि गुनाथिलाकाले १३४ बलमा १६ चौका र १ छक्का प्रहार गरे ।

श्रीलंकाका लागि कप्तान लहिरु थिरिमान्ने र मिनोद भानुकाले समान ३६ रनको योगदान गरे । सातौँ नम्बरमा ब्याटिङमा आएका धनुस शानाकाले २४ बलमा ४३ रनको विष्फोटक पारी खेलेका थिए ।

पाकिस्तानका मोहम्मद आमिरले ३ विकेट लिए । उनले १० ओभरमा ५० रन खर्चिए । उस्मान अन्सारी, वहाव रियाज, सादव खान र मोहम्मद नावाजले एक–एक विकेट लिए ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्