टी-२० सिरिज : नेपालद्वारा नेदरल्याण्ड्स ४ विकेटले पराजित

असोज २०, २०७६ सोमबार १४:३८:२८ | उज्यालो सहकर्मी

पाँच देश सम्मिलित टी-२० क्रिकेट शृङ्खलाकाे आफ्नाे दाेस्राे खेलमा नेपालले नेदरल्याण्ड्सलाई ४ विकेटले हराएकाे छ।

नेदरल्याण्ड्सले दिएकाे १३४ रनकाे लक्ष्य नेपालले १ बल बाँकी छँदै भेट्टाएकाे हाे ।

सम्बन्धित समाचार

करन केसी र सन्दीपकाे सानदार बलिङ: नेपालले पायाे १३४ रनकाे लक्ष्य

नेदरल्याण्ड्सलाई १३३ रनमा राेक्न ४ विकेटकाे महत्वपूर्ण याेगदान दिएका करन केसीले १४ बलमा ३१ रन बनाएपछि नेपाल विजयी भएकाे हाे ।

अन्तिम ओभरमा १७ रन आवश्यक हुँदा क्रिजमा रहेका करन केसीले पहिलाे बलमा छक्का, तेस्राेमा चाैका तथा चाैथाे बलमा फेरि छक्का प्रहार गरेपछि स्काेर बराबर भएकाे थियाे । पाँचाैँ बलमा १ रन लिँदै केसीले नेपाललाई प्रतियाेगिताकाे दाेस्राे जित दिलाएका हु्न् ।

यसअघि १३४ रनकाे लक्ष्य दिने क्रममा नेदरल्याण्ड्सका लागि म्याक्स ओ'दाउदले सर्वाधिक ४३ रन बनाए । यस्तै कोलिन एकेरमनले २९, एन्टोनस स्टालले २१ र स्कट एडवार्डसले १६ रन बनाएका थिए ।

बलिङतर्फ करन केसी र सन्दीप लामिछानेले ४-४ तथा ललित राजव‌शीले १ विकेट लिएका थिए । एक विकेट भने रन आउटका रुपमा आएकाे थियाे ।

१३४ रनकाे लक्ष्य भेट्न मैदानमा उत्रेकाे नेपालले मध्यम सुरुवात गरेकाे थियाे । टिमकाे स्काेर २५ रन हुँदा पवन सर्राफ आउट भए । त्यसपछि २९ रन हुँदा आरिफ शेख दाेस्राे विकेटका रुपमा आउट भए । दिपेन्द्र सिंह ऐरी पनि व्यक्तिगत ८ रन बनाएर आउट भए ।

त्यतिञ्जेलमा नेपालकाे स्थिति ११ ओभर ४ बलमा ६१ रन थियाे । त्यसपछि विनाेद भण्डारी क्रिजमा आए तर १४औँ ओभर चलिरहँदा ओपनिङमा आएका कप्तान पारस खड्का व्यक्तिगत ३३ रन बनाएर चाैथाे विकेटका रुपमा पतन भएपछि नेपालकाे स्थिति अलि धराशायी भएकाे थियाे ।

१७औँ ओभरमा राेहित पाैडेल ५ रनमा तथा १८ औँ ओभरमा विनाेद भण्डारी २६ रन बनाएर आउट हुँदा नेपाल ६ विकेट गुमाएर १०६ रनकाे स्थितिमा थियाे ।

जितका लागि बाँकी १२ बलमा २८ रन आवश्यक हुँदा साेमपाल कामी करन केसीलाई साथ दिन क्रिजमा आए । १९ औँ ओभरमा ११ रन आएपछि नेपाललाई अन्तिम ६ बलमा १७ रन आवश्यक हुँदा स्ट्राइकमा रहेका करन केसीले पहिलाे बलमा छक्का, तेस्राेमा चाैका तथा चाैथाे बलमा फेरि छक्का र पाँचाैँमा १ रन प्रहार गरेपछि नेपालले झण्डै झण्डै गुमाइसकेकाे खेल आफ्नाे पक्षमा पार्न सफल भयाे ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्