घरेलु भूमिमा लगातार ११ ओटा टेस्ट सिरिज जित्ने कीर्तिमान भारतकाे नाममा

असोज २६, २०७६ आइतबार १७:५४:२९ | उज्यालो सहकर्मी

काठमाण्डौ – दक्षिण अफ्रिकाविरुद्धको दोस्रो टेस्टमा भारत विजयी भएको छ । तीन खेलको श्रृङ्खलामा भारत दुई-शून्यले अघि हुँदा सिरिज पनि आफ्नो पक्षमा पारेको छ ।

यो जितसँगै भारत घरेलु भूमिमा लगातार ११ ओटा टेस्ट सिरिज जित्ने कीर्तिमान बनाएको भारतले दोस्रो टेस्टमा पाहुना टोली दक्षिण अफ्रिकालाई एक इनिङ्स र एक सय ३७ रनले हरायो ।

घरेलु भूमिमा लगातार दुई पटक १० ओटा सिरिज जितेको अष्ट्रेलिया दोस्रो स्थानमा छ भने लगातार आठ ओटा सिरिज जितेको वेस्ट इण्डिज तेस्रो स्थानमा रहेको छ ।

पुनेमा भएको खेलमा टस जितेर पहिले ब्याटिङ गरेको भारतले पहिलो पारीमा पाँच विकेट गुमाउँदै ६ सय एक रनको विशाल योगफल तयार पार्दा इनिङ्स सकिएको घोषणा गरेको थियो ।

भारतका लागि कप्तान विराट कोहलीले दोहोरो शतक बनाए भने मयंक अग्रवालले शतक बनाए । कोहलीले दुई सय ५४ रनको पारी खेल्दा अग्रवालले एक सय ८ रन बनाए । त्यस्तै रविन्द्र जडेजाले ९१, अजिन्क्या राहाणेले ५९ र चेतेश्वर पुजाराले ५८ रनको योगदान गरे ।

जवाफमा दक्षिण अफ्रिका पहिलो पारीमा मात्र दुई सय ७५ रनमा अलआउट भयो । त्यसपछि दोस्रो पारी सुरु गरेको दक्षिण अफ्रिका मात्र एक सय ८९ रनमा अलआउट भयो । उसका चार खेलाडीले मात्र दोहोरो अंक छुन सके ।

दक्षिण अफ्रिकाका लागि डिन एल्गरले ४८ रन बनाउँदा तेम्बा बुभावाले ३८ रनको योगदान गरे । उसलाई कम योगफलमा रोक्न रविन्द्र जडेजा र उमेश यादवले समान तीन/तीन विकेट लिए ।

यी दुईबीचकाे तेस्राे तथा अन्तिम टेस्ट शनिबारबाट राँचीमा सुरु हुँदैछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्