वुमन्स च्याम्पियन्स लिग ‘डब्लूसीएल’को ट्रफी सार्वजनिक

असोज २८, २०७६ मंगलबार १६:१३:१४ | उज्यालो सहकर्मी

काठमाण्डौ - बुधबारदेखि काठमाण्डौमा सुरु हुन लागेको वुमन्स च्याम्पियन्स लिग डब्लूसीएलको विजेताले पाउने ट्रफी सार्वजनिक गरिएको छ ।

क्वीन्स इभेन्ट्स म्यानेजमेन्टको आयोजनामा असोज २९ गतेबाट सुरु हुने प्रतियोगिताको विजेताले पाउने ट्रफीलाइ पाँच वटै टिमका मार्की खेलाडीले सार्वजनिक गरेका हुन् ।

प्रतियोगिताको सम्पूर्ण तयारी पूरा भएको आयोजक क्वीन्स इभेन्ट्सले जनाएको छ । प्रबन्धक छुम्बी लामाले मैदान तयार भइसकेको बताउँदै बुधबारदेखि प्रतियोगिता सुरु हुने जानकारी दिनुभयाे ।

प्रतियोगिताको विजेताले सात लाख र उपविजेताले तीन लाख रुपैयाँ पाउने सार्वजनिक भइसकेको छ ।

यस्तै व्यक्तिगत विधातर्फ प्रतियोगिताको उत्कृष्ट महिला खेलाडीले ५० हजार रुपैयाँ र एक थान टीभीएस स्कुटर पाउनेछन् । यस्तै बेष्ट बलर र बेष्ट ब्याटरले २५–२५ हजार रुपैयाँ तथा वुमन अफ दि म्याचले पाँच हजार रुपैयाँ हात पार्नेछन् ।

आउँदाे कार्तिक ७ गतेसम्म चल्ने प्रतियोगिताको पहिलो खेलमा क्याट क्वीन्स र चितवन राइनोजबीच प्रतिस्पर्धा हुनेछ ।

प्रतियोगितामा ललितपुर फाल्कन्स, पोखरा पल्टन, क्यापिटल्स रोयल्स काठमाण्डौ, चितवन राइनोज र विराटनगर टाइटन्सले सहभागिता जनाएका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्