वुमन्स च्याम्पियन्स लिग: चितवन राइनोजद्वारा ललितपुर फाल्कन्स ८९ रनले पराजित

कात्तिक १, २०७६ शुक्रबार १७:८:४ | उज्यालो सहकर्मी

काठमाण्डाै - वुमन्स च्याम्पियन्स लिग क्रिकेटमा चितवन राइनोजले लगातार दोस्रो जित निकोको छ ।

कीर्तिपुर मैदानमा शु्क्रबार भएको दोस्रो खेलमा चितवनले ललितपुर फाल्कन्सलाई ८९ रनले पराजित गरेको हो । ललितपुरको भने याे लगातार दोस्रो हार हो ।
चितवन राईनोजले दिएको १३६ रनको लक्ष्य पछ्याएको ललितपुर १६।१ ओभरमा ४६ रनमा अल आउट भयाे ।

ललितपुरका लागि कप्तान नेरी थापाले १७ रन बनाउनु बाहेक अरुले दोहोरो अंकमा रन पनि जोड्न सकेनन् ।

बलिङतर्फ चितवनकी कविता गौतमले तीन तथा रितु कनौजियाले दुई विकेट लिइन् भने रेखा रावल र सुमन खतिवडाले एक एक विकेट हात पारे । तीन जना खेलाडी रन आउट भएका थिए ।

त्यसअघि टस हारेर पहिले ब्याटिङ गरेको चितवनले २० ओभरमा ३ गुमाएर १३५ रन बनाएको थियो । चितवनका लागि ऋतु कनोजियाले सर्वाधिक ५८ रनको अर्धशतकीय पारी खेलिन् । उनले ५५ बलमा ८ चौका प्रहार गरिन् ।

यस्तै प्रिया चौधरीले अविजित २२ रन जोडिन् भने काजोल श्रेष्ठले १५ तथा इन्दु बर्माले १० रन जोडे । बलिङतर्फ ललितपुरकी नेरी थापाले २ विकेट लिइन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्