धोनीले सन्यास लिइहाल्नुपर्छ भनेर टिप्पणी गर्नेमध्ये आधालाई जुत्ताको तुना बाँध्न पनि आउँदैन : रवि शास्त्री

कात्तिक ९, २०७६ शनिबार १६:७:४० | उज्यालो सहकर्मी

काठमाण्डाै – भारतीय टिमका पूर्वकप्तान महेन्द्रसिंह धोनीलाई सन्यासको सल्लाह दिने मानिसहरुको भारतीय टिमका मुख्य प्रशिक्षक रवि शास्त्रीले कडा आलोचना गरेका छन् ।

शास्त्रीले भनेका छन्, ‘जो मानिसहरु धोनीको आलोचना गरिरहेका छन् र उनको क्रिकेटको भविष्यलाई लिएर प्रश्न उठाइरहेका छन्, एमएस धोनीलाई लिएर टिप्पणी गर्ने आधा मानिसहरु आफ्नो जुत्ताको तुना पनि बाँध्न सक्दैनन् र उनीहरु धोनीको भविष्यलाई लिएर बयान दिइरहेका छन् ।’

शास्त्रीले धोनीलाई लिएर आफ्नो तर्फबाट वक्तव्य दिनु उनको लागि असम्मान हुने बताए । ‘टाइम्स अफ् इण्डिया’लाई दिएको अन्तर्वातामा शास्त्रीले भारतका लागि १० वर्षभन्दा बढी खेल्ने खेलाडीलाई सन्यास कहिले लिने भन्ने कुरा राम्रोसँग थाहा भएको प्रतिक्रिया दिए ।

‘धोनीले टेस्टबाट सन्यास लिएर विकेट कीपिंगको जिम्मा ऋद्धिमान साहलाई दिनु सही समय थियो । जब टिमको कुरा आउँछ तब धोनी सधै आफ्नो विचार राख्न तयार हुन्छन् ।’

केही दिनअघि मात्र राँची टेस्टको अन्तिम दिन ड्रेसिंग रुममा पुगेर धोनीले शाहबाज नदीमलाई डेब्यू खेलको लागि प्रेरणा दिने काम गरेका थिए ।

मुख्य प्रशिक्षक शास्त्रीले धोनीको सन्यासलाई लिएर बहस अन्त्य गर्नुपर्ने बताएका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्