चिनियाँ क्लबमा अनुबन्ध हुने तयारीमा ग्यारेथ बेल

कात्तिक १२, २०७६ मंगलबार १४:६:४६ | उज्यालो सहकर्मी

रियल मड्रिडका स्ट्राइकर ग्यारेथ बेल आउदो जनवरीमा चिनियाँ क्लबमा अनुबन्ध हुने तयारी गरेका छन् ।

क्रिस्टियानो रोनाल्डो अघिल्लो सिजन युभेन्टसमा अनुबन्ध भएपछि टिमको मुख्य स्ट्राइकरका रुपमा हेरिएका बेल आफ्नो भूमिकामा सोचेअनुरुप उत्रन नसकेपछि निकै आलोचित भएका थिए । जसका कारण उनको र प्रशिक्षक जिनेदिन जिदानको मनमुटाव सुरु भएको थियो ।

जसको नतिजा रियल उनलाई क्लवबाट रिलिज गर्न बारम्बार तयार भएको थियो । अब नयाँ चर्चामा उनी चिनियाँ क्लब सांघाई सेनहुवामा जाने तयारी गरेको बताइएको छ । ३० वर्षे बेललाई रियलले फ्री मा रिलिज गर्ने योजना बनाएको छ । यता चिनियाँ क्लबले पनि उनलाई अनुबन्धका लागि प्रक्रिया सुरु गरेको छ ।

बेलले आफ्ना एजेन्टसँग सुरक्षित ट्रान्सफरका लागि प्रक्रिया अगाडि बढाउन भनेर सल्लाह दिएका छन् । यसअघि रियलले खेल्दा बेल टिममा अटाएका थिएनन् । एक समय महंगो खेलाडीको सूचीमा परेका बेल टोटनह्यामबाट २०१३ मा कीर्तिमानी रकममा रियलमा अनुबन्ध भएका थिए ।

तर उनी चिनिया क्लबमा रियलले ३० देखि ४० मिलियन युरोमा बिक्री गर्न राजी हुने बताइएको छ । बेलले रियलमा ६ सिजन बिताउँदा मात्र ५३ प्रतिशत खेलमा सहभागिता जनाएका छन । उनले रियलबाट एक सय ६१ खेलमा ८० गोल गरेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्