काराबाओ कप: आज लिभरपुलसँग आर्सनल र चेल्सीसँग म्यान्चेष्टर युनाइटेड खेल्दै

कात्तिक १३, २०७६ बुधबार १३:३०:५३ | उज्यालो सहकर्मी

काराबाओ कपको प्रि-क्वार्टर फाइनलको खेलमा बुधबार राति लिभरपुल र आर्सनलबीच प्रतिष्पर्धा हुँदैछ । काराबाओ कपको यो हाइ प्रोफाइल म्याच लिभरपुलको मैदान एन्फिल्डमा नेपाली समय अनुसार राति सवा एक बजे हुनेछ ।

प्रिमियर लिगमा उत्कृष्ट प्रदर्शन गर्दै अपराजित रहेको लिभरपुलले गएकाे आइतबार टोटनह्यामलाई हराउँदै ६ अंकको अग्रता लिएको छ । घरेलु मैदान र प्रिमियर लिगमा उत्कृष्ट प्रदर्शनका कारण लिभरपुल बलियो आत्मविश्वासका साथै आर्सनलविरुद्ध उत्रिनेछ ।

यता आर्सन लभने संकटमा पर्दै आएको छ । यसै साता भएको खेलमा दुई गोलले अग्रता लिएको अवस्थामा पनि आर्सनल क्रिष्टल प्यालेससँग अंक बाँड्न बाध्य भएको थियो ।

खराब प्रदर्शनका कारण आर्सनल प्रशिक्षक उनाई एमेरी चरम दबाबमा छन् । तर, दुवै क्लबका लागि काराबाओ कप तुलनात्मक रुपमा महत्वपूर्ण छैन ।

बुधबारै चेल्सी र म्यान्चेष्टर युनाइटेड पनि अन्तिम आठमा स्थान बनाउनका लागि प्रतिष्पर्धा गर्दैछन् । चेल्सीको मैदान स्ट्याम्फर्ड ब्रिजमा हुने खेल राति एक बजेर पचास मिनेटमा हुनेछ ।

त्यसपछि एष्टन भिल्लाको मैदानमा वल्भरह्याम्टन पनि क्वार्टर फाइनलमा स्थान बनाउनका लागि प्रतिष्पर्धा गर्दैछ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्