इंग्लिस प्रिमियर लिगमा लिभरपुल र म्यानचेस्टर सिटीको जित

कात्तिक १७, २०७६ आइतबार ८:२३:४८ | उज्यालो सहकर्मी

इंग्लिस प्रिमियर लिगका शीर्ष दुई क्लबहरु लिभरपुल र म्यानचेस्टर सिटीले पुनरागमनसहितको नाटकीय जित निकालेका छन् ।

यो जितले लिग लिडर लिभरपुलले अपराजित यात्रा कायमै राख्न सकेको छ भने सिटीले लिभरपुलसँगको दूरी यथावत राख्न पाएको छ ।

शनिबार राति एस्टोन भिल्लाले घरेलु मैदान भिल्ला पार्कमा पहिलो हाफको २१ औं मिनेटमै अग्रता पाएको थियो । महमुद हुसेन ट्रेगेटले एस्टोन भिल्लालाई अग्रता दिलाएका थिए । उनले जोन म्याकगिनको पासमा गोल गरेका हुन् ।

स्टार खेलाडीले भरिएको लिभरपुलले अन्तिम समयमा नाटकीय रुपमा सानदार प्रदर्शन गर्दै घरेलु टोलीविरुद्ध धावा बोल्न सफल रह्यो ।

खेलको ८७ औं मिनेटमा एन्ड्रयु रोबर्टसनले साडियो मानेको पासमा बराबरी गोल फर्काए । यिनै मानेले खेलको अन्तिम मिनेटमा गोल गरी लिभरपुललाई सानदार ३ अंक दिलाए । मानेले ट्रेन्ट अलेक्जान्दर आर्नोल्डको पासमा गोल गरे ।

११ खेलबाट ३१ अंक जोडेको लिभरपुलले शीर्ष स्थान ६ अंकको अग्रता यथावत राखेको छ । किनभने सिटीले पनि रेलिगेसनबाट बच्न संघर्षरत साउथह्याम्प्टनबिरुद्ध पुनरागमनसहित २-१ को जित हासिल गरेको थियो ।

घरेलु मैदान इत्तिहाद रंगशालामा पाहुना टोलीका लागि जेम्स वार्ड प्रोजले १३औं मिनेटमै गोल गरेपछि पेप ग्वार्डिओला प्रशिक्षित सिटी सुरुमै दवावमा परेको थियो ।

बराबरी गोल फर्काउनका लागि सिटीलाई ७० औं मिनेटसम्म कुर्नुपर्यो । सिटीका कीर्तिमानी गोलकर्ता सर्जियो एग्यूरोले केल वाल्करको पासमा बराबरी गोल फर्काएका थिए ।

उनै वाल्करले ८७ औं मिनेटमा गोल गरी घरेलु समर्थकलाई खुसी तुल्याए भने शीर्ष स्थानको लिभरपुरमाथिको दवाव पनि कायम राखे । जितपछि सिटीको ११ खेलबाट २५ अंक भएको छ ।

शनिबारै सम्पन्न अर्को खेलमा सुरुआती अग्रता जोगाउन नसक्दा आर्सनलले वुल्भ्ससँग १-१ गोलको बराबरी खेलेको छ । पिएरे एमरिक उवामेयाङले २१ औं मिनेटमा अग्रता दिलाएका थिए ।

इमिरेट्स रंगशालामा जिततर्फ अग्रसर आर्सनललाई ७६ औं मिनेटमा ठूलो झड्का लाग्यो । राहुल जिमेनेजले बराबरी गोल फर्काए भने आर्सनलसँग अंक खोस्न सफल रहे ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्