सन ह्योङ मिनले पाएको रातो कार्डको निर्णय सच्याउन टोटनह्यामको अपिल

कात्तिक १९, २०७६ मंगलबार ६:३२:३१ | उज्यालो सहकर्मी

प्रिमियर लिग अन्तर्गत एभर्टनविरुद्धको खेलमा सन ह्योङ मिनले पाएको रातो कार्डको निर्णय सच्याउन टोटनह्यामले अपिल गरेको छ । सनको ट्याकलपछि एभर्टनका आन्द्रे गोमेजको खुट्टा भाँचिन पुगेको थियो ।

त्यो ट्याकल नियोजित थिएन । इन्ज्युरीको गाम्भीर्यतालाई हेर्दै रेफ्री मार्टिन एट्किन्सनले सुरुमा पहेँलो कार्ड देखाएका सनलाई पछि रातो कार्ड देखाएका थिए ।

टिभी रिप्लेमा सनको ट्याकल पछि डिफेन्डर सर्जि अउरियरसँग ठोक्किएपछि गोमेज घाइते भएको देखिएको छ ।

रेफ्री एट्किन्सनको निर्णयमा समर्थन गर्दै प्रिमियर लिगले भनेको छ, ‘यो रातो कार्ड खेलको अवस्थालाई हेरेर खेलाडीको सुरक्षाका लागि दिइएको हो ।’

ठूलो इन्ज्युरीको अवस्थामा ट्याकल गर्ने खेलाडीमाथि जुनसुकै बेला खतरा आउन सक्छ । त्यसैले सनलाई मैदानबाट निस्किन निर्देशन दिइएको थियो ।

टोटनह्यामका प्रशिक्षक माउरिसियो पोचेटिन्होले गोमेजलाई घाइते बनाउने सनको नियत नभएको दाबी गरे । उनले रातो कार्डको निर्णय उल्टाउन एक पटक भीएआर परिक्षण गर्नु पर्ने बताए ।

‘यो स्पष्ट छ की यो समस्या निम्त्याउन सनको नियत थिएन । रातो कार्ड देखाउँदा अचम्म लाग्यो,’ पोचेटिन्होले भने ।

यदी यो अपिल असफल भएमा सनले प्रिमियर लिगका शेफिल्ड युनाइटेड, वेष्ट ह्याम युनाइटेड र एएफसी बर्नमाउथविरुद्धको खेल गुमाउनेछन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्