१३ औँ साग : फुटबल टिमकाे कप्तान सुजल श्रेष्ठ

मंसिर ९, २०७६ सोमबार १६:४७:३४ | उज्यालो सहकर्मी

काठमाण्डौ – आउँदो मंसिर १५ गतेदेखि सुरु हुन लागेको १३ औँ दक्षिण एसियाली खेलकुद (साग) मा नेपाली पुरुष फुटबल टिमको कप्तानी सुजल श्रेष्ठले गर्ने भएका छन् ।

नियमित कप्तान विराज महर्जन र कार्यवाहक कप्तान किरण चेम्जोङ सागको टिममा नभएपछि सुजलले कप्तानी गर्ने भएका हुन् । सागको टिममा २३ वर्षमाथिका तीन जना खेलाडी मात्रै राख्न पाइने प्रावधान रहेको छ । सिनियर तीन जना खेलाडीमा विकेश कुथु र विक्रम लामा पनि रहेका छन् ।

सागका लागि नेपाली टिमको घोषणा हुँदा स्ट्राइकर विमल घर्तीमगर, मिडफिल्डर अन्जन विष्ट र दिनेश राजवंशी अनुशासनको कारबाहीमा परेपछि नयाँ तीन जना खेलाडीलाई पनि समेटिएको छ । उनीहरुको ठाउँमा राजेश परियार, राजीव लोप्चन र प्रेजेन तामाङ रहेका छन् ।

नेपाली टिमले सोमबार साढे चार वर्षपछि औपचारिकरुपमा अभ्यासका लागि दशरथ रंगशालामा टेकेको छ । विक्रम संवत २०७२ वैशाख १२ गते गएको महाभूकम्पका कारण क्षतिग्रस्त बनेको रंगशाला पुनर्निर्माण नभएकाले त्यसयता खेलाडीहरुले अभ्यास गर्न पाएका थिएनन् ।

रंगशालाको विकल्पको रुपमा नेपाली टिमले सातदोबाटोमा नियमित प्रशिक्षण गर्दै आएका थिए । पहिलो पटक दशरथ रंगशाला पुगेपछि नेपाली फुटबल टिमका खेलाडीहरु निकै उत्साहित देखिएका थिए ।

कप्तान सुजलले धेरैपछि रंगशालामा खेल्न पाउँदा आफू निकै उत्साहित र खुशी भएको प्रतिक्रिया दिए ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्