ए डिभिजन लिग : एनआरटीको फराकिलो जित, पुलिस र शेर्पाले अंक बाँडे

पुष २, २०७६ बुधबार ७:३९:३४ | उज्यालो सहकर्मी

ललितपुर – शहीद स्मारक ‘ए’ डिभिजन लिग फुटबलमा न्युरोड टिम एनआरटीले विजयी सुरुवात गरेको छ ।

गएको संस्करणमा लिगको पुछारमा रहेको एनआरटीले लिगको पहिलो खेलमा सरस्वती युवा क्लबलाई ४–० गोल अन्तरले हरायो । जितसँगै यो सिजनमा तीन अंक जोडे पनि एनआरटीले गएको संस्करणको २ अंक तिर्नु परेकाले तालिकामा भने १ अंकमात्रै जोडेको छ ।

सातदोबाटोको एन्फा कम्पलेक्सको मैदानमा मंगलबार भएको खेलमा एनआरटीको जितमा जुनियर ओंगे, सरोज तामाङ, एरिक विष्ट र जोर्डन जुनियर निडेम्बाले एक–एक गोल गरे ।

३५ औं मिनेटमा जुनियर ओंगेको गोलबाट अग्रता बनाएको एनआरटीले दोस्रो हाफमा तीन गोल थपेको थियो । ६९ औं मिनेटमा सरोज तामाङले गोल गर्दै एनआरटीको अग्रता दोब्बर बनाए ।

यसैगरी एरिक विष्टले ८१ औं मिनेटमा टिमका लागि तेस्रो गोल थपे । दोस्रो हाफमा दबाबमा रहेको सरस्वतीले ९० औं मिनेटमा चौथो गोल खान पुग्यो । एनआरटीका लागि जोर्डन जुनियर निडेम्बाले गोल गरेका थिए ।

त्यस्तै मंगलबार नै भएको दोस्रो खेलमा विभागीय टिम नेपाल पुलिस क्लब हिमालयन शेर्पा क्लबसँग बराबरीमा रोकिएको छ ।

दशरथ रंगशालामा भएको खेलमा पुलिस शेर्पासँग गोलरहित बराबरीमा रोकियो । विभागीय टिम पुलिसले शेर्पाविरुद्ध पहिलो हाफमा खासै राम्रो ‘मुभ’ बनाउन सकेन । जसका कारण पहिलो हाफमा गोलरहित बराबरी खेल्यो ।

दोस्रो हाफमा पुलिसले केही सुधारिएको प्रदर्शन गरे पनि पाएको अवसरलाई सदुपयोग गर्न सकेन । जसका कारण उसले यो सिजनको पहिलो खेलमा नै अंक बाढ्न बाध्य भयो । यता शेर्पाको पनि स्ट्राइकिङ लाइनले राम्रो प्रदर्शन गर्न सकेन ।

बराबरीपछि पुलिस र शेर्पाले एक–एक अंक बाँडेका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्