मकवानपुरमा देखिएकाे धुवाँकाे मुस्लाे विमान दुर्घटना नभइ डढेलाेका कारण : प्रहरी

पुष ९, २०७६ बुधबार १४:४९:१३ | हरि हुमागाईं

मकवानपुर - मकवानपुरगढी गाउँपालिका-७, बतासेडाँडामा डढेलो लागेको छ । स्थानीय बासिन्दाले ठूलो आवाजसँगै धुवाँको मुस्लो आएको भने पनि डढेलो लागेको जिल्ला प्रहरी कार्यालय मकवानपुरमा प्रहरी उपरीक्षक मुकेश कुमार सिंंहले बताउनुभयो ।

स्थानीयले विमान दुर्घटना भएको भनेपछि प्रहरी टोली घटनास्थलमा पठाइएको तर डढेलो लागेको पाइएको बताउँदै उहाँले भन्नुभयो, आज बिहानदेखि तीन घण्टा तनाव मात्र भयो । डढेलो लागेको प्रस्ट भएको छ ।’

स्थानीयबासीले जहाज वा हेलिकप्टर दुर्घटना भएकाे आशंका गरेपछि त्यहाँ प्रहरी परिचालित भएको हो । मकवानपुरगढीको सुकौरा र बकैया १२ ठिङ्गनको सिमानामा जहाज दुर्घटना भएको आशंका गाउँलेले गरेका थिए। तर मध्यान्ह १२ बजे देखिएको धुवाँको मुस्लो जहाज दुर्घटनाबाट नभइ डँढेलोका कारण देखिएको प्रहरीले जनाएको छ।

सम्बन्धित समाचार

मकवानपुरमा कुनै हवाई दुर्घटना भएकाे छैन : त्रिभुवन विमानस्थल

गाउँलेले जहाज दुर्घटनाको अनुमान गरेपछि प्रहरी चौकी चौघडा र ठिंगनबाट उक्त स्थानतर्फ पुगेको टोलीले धुवाँको मुस्लो जंगलमा लागेको डढेलोबाट निस्किएको पत्ता लगाएको हाे । धुवाँको मुस्लो देखिएपछि स्थानीयबासी नेत्र कार्की घटनास्थलमै पुगेको प्रहरीले जानकारी दिएको छ । प्रहरीलाई स्थानीय कार्कीले दिएको जानकारी अनुसार डढेलो लागेर आगोसहित धुवाँको मुस्लो देखिएको हो ।

प्रहरी चौकी चौघडा र ठिंगनबाट डँढेलो लागेको स्थानमा प्रहरी गइसकेको जिल्ला प्रहरी कार्यालय मकवानपुरका प्रहरी उपरीक्षक मुकेश सिंहले जानकारी दिनुभयाे ।प्रहरीले संयम अपनाउन अनुरोध गर्दै कुनै दुर्घटना नभएको बताएको छ । यस्तै त्रिभुवन विमानस्थल एयर ट्राफिक कन्ट्रोलरले सबै विमान सम्पर्कमा रहेकाले दुर्घटना नभएको जानकारी दिएको छ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्