सांसद हसिना खानद्वारा शपथ ग्रहण
बैशाख ७, २०८१ शुक्रबार
काठमाण्डाै – पेरिस सेन्ट जर्मेन (पीएसजी) फ्रेन्च लिग कपको सेमिफाइनलमा प्रवेश गरेको छ ।
शीर्ष डिभिजनको सेन्ट एटिनलाई ६–१ गाेल अन्तरले हराउँदै पीएसजी उपाधिनजिक पुगेको हो । पेरिसमा भएको खेलमा घरेलु टिमलाई जित दिलाउनका लागि माैरो इकार्डीले ह्याट्रिक गरे ।
खेलकाे दोस्रो मिनेटमा इकार्डीले गोल गर्दै पीएसजीलाई अग्रता दिलाए । ३१औँ मिनेटमा वेस्ले फोफाना रातो कार्ड खादै मैदान बाहिरिएपछि सेन्ट एटिन १० खेलाडीमा सिमित बनेको थियो ।
३९औँ मिनेटमा एंगल डी मारियाको पासमा नेयमारले गोल गर्दै पीएसजीकाे दग्रता दाेब्बर बनाए । ४४औँ मिनेटमा जेस्से मोलिनले आत्मघाती गोल गर्दा पहिलो हाफमा पीएसजीले ती–शून्यकाे अग्रता लिएको थियो ।
दोस्रो हाफ सुरु भएको चार मिनेटमै इकार्डीले एमबाप्पेको पासमा गोल गर्दै पीएसजीको अग्रता अझै लम्ब्याए । ५७औँ मिनेटमा एमबाप्पेकै पासमा इकार्डीले ह्याट्रिक पूरा गर्दा पीएसजीले पाँच–शून्यकाे अग्रता लियो ।
त्यस्तै खेलकाे ६७औँ मिनेटमा इकार्डीको पासमा एमबाप्पेले गोल गरे । ७१औँ मिनेटमा सेन्ट एटिनका याेहाेन काबाहीले सान्त्वना गोल गरे ।