ए डिभिजन लिग : साेमबार दुई खेल हुँदै

पुष २८, २०७६ सोमबार ९:५३:५६ | उज्यालो सहकर्मी

काठमाण्डाै – कतार एअरवेज शहीद स्मारक ए डिभिजन लिग फुटबलअन्तर्गत साेमबार दुई वटा खेल हुँदैछ ।

त्रिपुरेश्वरकाे दशरथ रङ्गशालामा मध्याह्न १२ बजे हुने पहिलो खेलमा न्युरोड टिम एनआरटी र विभागीय क्लब नेपाल पुलिस प्रतिस्पर्धा गर्दैछन् । दुई खेलमा जित, दुई खेलमा बराबरी र एक खेलमा पराजित भएको पुलिस ८ अङ्कसहित तालिकाको छैटौं स्थानमा छ ।

त्यस्तै दुई खेलमा जित, दुई खेलमा पराजित र एक खेल बराबरी खेलेकाे भए पनि एनआरटीको ५ अङ्क छ । गएकाे संस्करण पुछारमा रहेकाले उसको २ अङ्क घटाइएको हो । एनआरटी नवौं स्थानमा छ । याे खेलमा पुलिस विजयी भए चौथो स्थानमा उक्लने छ भने एनआरटी विजयी भए छैटौं स्थानमा पुग्ने छ ।

प्रतियोगिताअन्तर्गत दिउँसो ३ बजे च्यासल युथ क्लब र विभागीय क्लब एपीएफ खेल्दै छन् । च्यासल ५ अङ्कसहित ११औँ स्थानमा छ भने ४ अङ्क जोडेको एपीएफ १३औँ स्थानमा छ ।

आइतबार भएको खेलमा फ्रेण्ड्स क्लबसँग थ्रीस्टार एक–शून्यले स्तब्ध हुँदा सरस्वती र बिगेड ब्वाइज गोलरहित बराबरीमा रोकिएका थिए । थ्रीस्टारलाई पराजित गरेको फ्रेण्ड्सले पहिलो जित हात पार्दा सरस्वती ब्रिगेडसँग बराबरी खेल्दै पहिलो १ अङ्क लिन सफल भयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्