बिग ब्याश लिग : पर्थविरुद्ध सन्दीप लामिछानेले चार ओभरमा दिए २९ रन, लिए एक विकेट

माघ ४, २०७६ शनिबार १४:०:४५ | उज्यालो सहकर्मी

बिग ब्याश क्रिकेट लिगमा सन्दीप लामिछानेले पर्थ स्कर्चर्सविरुद्ध चार ओभरमा २९ रन खर्चिएर एक विकेट लिएका छन् ।

टिमको सातौँ तथा ब्यक्तिगत पहिलो ओभर लिएर आएका सन्दीपले ६ रन दिएर एक विकेट लिए । पहिलो बलमा नै चौका खाएका उनले दोस्रो बलमा एक रन बाइको रुपमा दिए । तर त्यो रन उनको खातामा जोडिएन । तेस्रो बल डट फाले ।

चौथो बलमा उनले लिभिङस्टोनलाई आउट गरे । उनले कार्टराइटको हातबाट उनलाई १८ रनमा पेभेलियन फर्काएका थिए । त्यसपछि बाँकी दुई बलमा उनले एक एक रन दिए ।

दोस्रो ओभरमा उनले नौ रन दिए । टिमको नवाैँ तथा व्यक्तिगत दोस्रो ओभरमा पहिलो बल उनले डट फाले । त्यसपछि तीन बलमा एक एक रन खर्चिएका सन्दीपले चौथो बल डट फाले । पाँचौ बलमा चौका र ओभरको अन्तिम बलमा दुई रन खाए ।

तेस्रो ओभरमा उनले मात्र चार रन खर्चिए । टिमको १४ औँ तथा व्यक्तिगत तेस्रो ओभर लिएर आएका सन्दीपले पहिलो र दोस्रो बलमा एक एक रन दिएका थिए । त्यसपछि तेस्रो बलमा पनि उनले एक रन खर्चिए भने चौथो बलमा पनि एक रन दिए ।ओभरको पाँचौ बल डट फालेका उनले अन्तिम बलमा पनि डट फाले ।

त्यसपछि आफ्नो अन्तिम ओभरमा सन्दीपले १० रन दिए । टिमको १७ औँ ओभर लिएर आएका उनले पहिलो बलमा दुई रन दिए भने दोस्रो बलमा एक रन तथा तेस्रो र चौथो बलमा एक एक रन दिए । त्यसपछि उनले पाँचौ बलमा एक रन दिए भने अन्तिम बलमा चौका खान पुगे ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्