आरबीबी एनभीए भलिबल : महिला–पुरुष दुवैतर्फ एपीएफ फाइनलमा

माघ १०, २०७६ शुक्रबार ९:२:४६ | उज्यालो सहकर्मी

काठमाण्डाै – शुक्रबार पाँचाैँ 'आरबीबी एनभीए' भलिबलकाे फाइनल खेल हुँदैछ ।

नेपाल भलिबल सङ्घको आयोजना तथा राष्ट्रिय वाणिज्य बैँकको मुख्य प्रायोजन रहेको प्रतियाेगिताअन्तर्गत महिला र पुरुष दुवैतर्फको फाइनल खेल दिउँसाे २ बजे राष्ट्रिय खेलकुद परिषद् (राखेप) को कभर्डहलमा हुँदैछ । त्यसअघि तेस्रो स्थानका लागि महिला र पुरुषतर्फका खेलहरु हुने छन् ।

दिउँसो २ बजे महिलातर्फको फाइनल हुने छ । महिलातर्फ विभागीय क्लब एपीएफ र न्यु डायमण्ड स्पोर्टस क्लब प्रतिस्पर्धा गर्दैछन् । यी दुई टिमले गएकाे पुसमा पनि न्यु डायमण्ड कपको फाइनलमा प्रतिस्पर्धा गरेका थिए । त्याे खेलमा एपीएफ विजयी भएकाे थियो ।

आजको फाइनलमा एपीएफमाथि जीत निकाल्दै पुसको फाइनलकाे बदला लिने लक्ष्यमा न्यु डायमण्ड रहने छ । एपीएफ बिनिता बुढाथोकीको कप्तानीमा छ भने न्यु डायमण्ड ललिता नाथको कप्तानीमा छ ।

एपीएफमा सरस्वती चौधरी, रेश्मा भण्डारीलगायतका राष्ट्रिय टिमका खेलाडी छन् भने न्यु डायमण्डमा प्रतिभा माली, राष्ट्रिय टिमकी कप्तान अरुणा शाही छन् ।

बिहीबार भएको सेमिफाइनलमा एपीएफले नेपाल पुलिस तथा न्यु डायमण्डले त्रिभुवन आर्मीलाई पराजित गरेको थियो ।

यस्तै आजै दिउँसो ४ बजे पुरुषतर्फको फाइनल खेल हुने छ । फाइनलमा एपीएफ र हेल्प नेपालबीच प्रतिस्पर्धा हुने छ । बिहीबार भएको सेमिफाइनलमा एपीएफले गएकाे संस्करणको विजेता त्रिभुवन आर्मीलाई पराजित गरेको थयाे भने भारतीय खेलाडी र भारतीय सेनाका नेपाली खेलाडीहरु सम्मिलित हेल्प नेपालले नेपाल पुलिस क्लबलाई पराजित गर्दै फाइनलको यात्रा तय गरेकाे थिए ।

उपाधि विजेता टिमले दुई लाख, उपविजेताले एक लाख र तेस्रो हुने टिमले ५० हजार रुपैयाँसहित मेडल, प्रमाणपत्र र ट्रफी प्राप्त गर्नेछन् । यस्तै विधागततर्फ उत्कृष्ट खेलाडीहरुले १० हजार रुपैयाँ र सर्वोत्कृष्ट खेलाडीले २५ हजार रुपैयाँ प्राप्त गर्नेछन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्