नेपालबाट खेल्न पाउँदा खुशी लागेकाे छ : उपुल थारंगा

माघ १५, २०७६ बुधबार ६:३७:० | उज्यालो सहकर्मी

काठमाण्डाै – आसन्न एभरेस्ट प्रिमियर लिग (ईपीएल) का लागि पहिलो पटक नेपालमा खेल्न आउने तयारीमा रहेका श्रीलङ्काली खेलाडी उपुल थारंगाले नेपालमा खेल्न पाउँदा खुशी लागेको बताएका छन् ।

ललितपुर प्याट्रियट्सबाट ईपीएल खेल्न नेपाल आउन लागेका थारंगाले क्रिकेटको विकास भैरहेको देश नेपालमा खेल्न पाउँदा उत्साहित रहेको र आउँदा वर्षमा पनि संलग्न हुने अपेक्षामा रहेको उल्लेख गरेका छन् ।

उनले नेपालको प्राकृतिक मनोरम हेर्नका लागि निकै उत्साहित रहेको र आफ्नो अनुभव युवा खेलाडीमाझ साट्नका लागि लालायित रहेको आफ्नो फेसबुक पेजमा लेखेका छन् ।

थारंगाले श्रीलंकाबाट तीन वटै फर्म्याट खेलेका छन् । जसमा उनले ३१ टेस्ट, २३५ एकदिवसीय र २६ टी-२० खेलेका छन । बायाँ हाते ब्याट्सम्यान थारंगाले सन् २००५ मा भारतविरुद्ध टेस्टमा डेब्यू गरेका थिए ।

त्यही सिरिजमा एकदिवसीयमा डेब्यू गरेका थारंगाले टेस्टमा एक हजार सात सय ५४ रन बनाएका छन् भने र एकदिवसीयमा ६ हजार ९ सय ५१ रन प्रहार गरेका छन् ।

उनले टी–२० मा भने २६ खेलमा मात्र चार सय ७ रन बनाएका छन् । टी–२० मा उनले सन् २००६ मा इङ्ग्ल्यान्डविरुद्ध डेब्यू गरेका थिए । ललितपुरले याे सिजनमा विदेशी खेलाडीका रूपमा थारंगालाई ल्याएकाे हाे ।

याे पनि पढ्नुस्

ड्वेन स्मिथ ईपीएल खेल्न नेपाल आउने : भैरहवा ग्लाडिएटर्समा अनुबन्धित

थारंगा पनि ईपीएल खेल्न नेपाल आउने, ललितपुर प्याट्रियट्समा अनुबन्ध

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्