काठमाण्डाै – भारतको उत्तर–पूर्वी प्रान्त मेघालयको पूर्वी खासी हिल्समा नागरिकता संशोधन कानुन (सीएए) को विरोधमा भएको प्रदर्शनमा झडप हुँदा दुई जनाको ज्यान गएको छ । 

झडपमा दुई जनाको ज्यान गएपछि शिलोङ शहरमा कर्फ्यु लगाइएको छ तथा इन्टरनेट सेवा पनि बन्द गरिएको छ । 

शनिबार बिहान शिलोङको ठूलो बजार क्षेत्रमा खासी छात्र सङ्घ (केएसयू) का सदस्य र गैरआदिवासी समूहबीच झडप हुँदा दुई जनाको ज्यान गएको हो । ज्यान गुमाउने मध्ये एक जनाको खासी सङ्घका  नेताको रुपमा पहिचान भएको छ । 

नागरिकता संशोधन कानुन र इनर लाइन परमिट (आईएलपी) को मुद्दालाई लिएर निकालिएको एक जुलुसका क्रममा झडप भएको हो । 

झडपको क्रममा चाक्कु प्रहार हुँदा कम्तीमा ६ जना घाइते भएका छन् । अहिले त्यहाँको स्थिति तनावग्रस्त छ ।  

हिंसा भड्किएको दिल्लीको अवस्था भने सामान्य बन्दै गएको भारतीय सञ्चारमाध्ययमले जनाएका छन् । सुरक्षाबलकाे कडा निगरानीसँगै दिल्लीको अवस्था सामान्य बन्दै गएको हो ।

आइतबार बिहान कतै पनि हिंसाका घटना नभएकाे बताइएकाे छ । नागरिकता विधेयक संसोधनलाई लिएर उत्पन्न भएको विवादपछि हिंसा भड्किँदा दिल्लीमा मात्रै ४२ जनाकाे ज्यान गएकाे छ । आठ सय ८५ जनालाई पक्राउ गरिएकाे भारतीय प्रहरीले जनाएको छ ।