सप्तरीमा हात्तीको आक्रमणबाट एक जनाको ज्यान गयाे

फागुन १८, २०७६ आइतबार १८:८:५६ | शुभनारायण यादव

सप्तरी - सप्तरीमा जङ्गली हात्तीको आक्रमणबाट एक जनाको ज्यान गएको छ ।

कञ्चनरुप नगरपालिका-५, पथरी टोलकी ४१ वर्षीया चन्द्रिकादेवी मुखियाको हात्तीकाे आक्रमणमा परेर घटनास्थलमै ज्यान गएको जिल्ला प्रहरी कार्यालय सप्तरीका प्रवक्ता तथा डीएसपी तिलक भारतीले जानकारी दिनुभयो ।

मृतक मुखिया काेशी टप्पु वन्यजन्तु आरक्ष क्षेत्रभित्रको जङ्गलमा घाँस/दाउरा काट्न गएकाे बेला हात्तीले आक्रमण गरेकाे हाे ।

यसअघि फागुन ३ गते सप्तरीको अग्निसाइर कृष्णसवरन गाउँपालिका-६ मा रहेकाे मझौ सामुदायिक वन क्षेत्रमा आरक्षबाट आएको जङ्गली हात्तीले आक्रमण गरेर तिरहुत गाउँपालिका-१ का ७० वर्षीय रामफल मेहतालाई घाइते बनाएको थियो ।

केही समययता यस क्षेत्रमा जङ्गली हात्तीको आतङ्कका कारण स्थानीयहरु रातभर जाग्राम बस्न बाध्य छन । कुनै पनि निकायले अहिलेसम्म हात्ती पीडितहरुको जीउज्यान र धनजनको सुरक्षाका लागि आवश्यक कदम नचालेकाे स्थानीयहरुको आराेप छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्