मिस वर्ल्ड टोनी पुगिन् सिन्धुपाल्चोक र हेटौँडा

फागुन २३, २०७६ शुक्रबार १६:४४:२० | किरण थापा

सिन्धुपाल्चोक - २०१९ की मिस वर्ल्ड टोनी एन सिंह सिन्धुपाल्चोकको हेलम्बु आइपुग्नु भएको छ । मिस नेपाल २०१९ की विजेता अनुष्का श्रेष्ठ र पूर्व मिस नेपाल श्रृङखला खतिवडासहित टोनी हेलम्बु गाउँपालिकामा पुग्नुभएको हो ।

टोनीलाई गाउँपालिकाका अध्यक्ष निमाग्याल्जेन शेर्पाले स्वागत गर्नुभएको थियाे । उहाँले हेलम्बुको घोप्टेघ्याङमा निर्माण भइरहेको ग्रेट ट्रेलमा अवलोकन गर्नुभएको छ ।

हेलम्बु सोर्सिङका स्थानीयकाे जीवनस्तर उकास्नका लागि आय-आर्जन परियोजनाकाे सुरुवात गरिएकाे हाे । श्रेष्ठले गलैचा बुन्ने तान, सिन्के धुप बनाउने तालिम, इँट्टा निर्माणका लागि उपकरण र तालिम प्रदान गर्नुभएको थियो ।

अनुष्काको परियोजनाबाट सोर्सिङका ४० घरपरिवारका लागि सहयोग पुगेको स्थानीयले बताए । स्थानीयको जीवनस्तर सुधारका लागि अनुष्काको महत्वपूर्ण योगदान रहेको बताउँदै अध्यक्ष शेर्पाले मिस वर्ल्ड आउँदा पर्यटकीय क्षेत्रको प्रचारमा ठूलो योगदान मिलेको बताउनुभयो ।

टोनीले हेलम्बु क्षेत्रमा दुई घण्टा बिताउनुभएको थियाे। हेलम्बुपछि टाेनीले खतिवडाले मकवानपुर जिल्लामा सञ्चालन गर्नुभएकाे आयआर्जन कार्यक्रमको निरीक्षण गर्ने र शुक्रबार नै स्वेदश फर्कने कार्यक्रम छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्