काेराेना राेकथामकाे लागि बाँकेमा १ कराेड ६० लाखकाे काेष

चैत ३, २०७६ सोमबार १८:१:४२ | गोविन्द शर्मा

बाँके – कोरोना भाइरस (काेभिड–१९) रोकथाम, पूर्वतयारी र उपचारको लागि नेपालगञ्ज उपमहानगरपालिकाले 'टास्कफोर्स' सहित विभिन्न कोष गठन गरेको छ ।

साेमबार बसेको कोरोना समन्वयात्मक बैठकमा भाइरस भित्रिन नदिन सावधानी अपनाउँदै पूर्वतयारीका लागि प्रमुख जिल्ला अधिकारी कुमारबहादुर खड्काको संयोजकत्वमा टास्कफोर्स र कोष गठन गरेको हो ।

यसैगरी बैठकले नेपालगञ्ज उपमहानगरपालिकाका प्रमुख धवलशम्शेर राणाको संयोजकत्वमा आकस्मिक कोष व्यवस्थापन समिति, भेरी अस्पतालका प्रमुख डा. प्रकाश थापाको संयोजकत्वमा मेडिकल समिति, प्रमुख जिल्ला अधिकारी खड्काको संयोजकत्वमा व्यवस्थापन समिति र जिल्ला जनस्वास्थ्य कार्यालय बाँकेका प्रमुख धिरजङ्ग शाहको संयोजकत्वमा रोकथाम तथा नियन्त्रण समिति गठन गरेको हो ।

बैठकले कोरोना रोकथामको लागि नेपालगञ्ज उपमहानगरपालिकले ३० लाख, जिल्ला समन्वय समितिले ३० लाख, कोहलपुर नगरपालिकाको २० लाख, ६ वटा गाउँपालिकाले १० लाखका दरले ६० लाख र नेपालगञ्ज उद्योग वाणिज्य सङ्घले २० लाख रुपियाँ गरी १ करोड ६० लाख रुपैयाँको कोष बनाउने पनि निर्णय गरेको छ ।

यो रकम पूर्वतयारी र रोकथाममा खर्च हुनेछ । भारतको उत्तरप्रदेश राज्यमा काेराेनाकाे सङ्क्रमण देखिएका कारण नेपालगञ्ज पनि उच्च जोखिममा रहेकोले उच्च सतर्कता अपनाउने पनि बैठकले निर्णय गरेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्