'नेपालकाे प्रयाेगशालाले काेराेना भाइरसकाे सङ्क्रमण पत्ता लगाउन नसकेकाे भनेर आशङ्का गर्नुपर्दैन'

चैत ५, २०७६ बुधबार ११:३:२४ | उज्यालो सहकर्मी

कोरोना भाइरस (काेभिड–१९) नामक महामारीले विश्वलाई छोप्दै गए पनि नेपाल अहिलेसम्म लगभग कोरोनामुक्त छ ।

सुरुमै चीनबाट आएका एक जना नेपालीमा कोरोनाको सङ्क्रमण देखिए पनि उनी निको भएर घर फर्किसकेका छन् । तर बढ्दो घनिष्ठ सम्बन्ध र आवत जावत रहेको हाम्रो छिमेकी चीनबाट कोरोना भाइरस उत्पन्न भएर संसारभरि फैलिएकोले नेपालमा पनि यसको सङ्क्रमण फैलिएको हुन सक्ने धेरैको आशङ्का छ ।

केहीले नेपाली नागरिकमा कोरोनाको सङ्क्रमण भएको जानकारी सरकारले राष्ट्रिय जनस्वास्थ्य प्रयोगशालालाई दबाब दिएर लुकाउन लगाएको आशङ्का गर्छन् भने केहीले कोरोना भाइरसको सङ्क्रमण पत्ता लगाउने क्षमता राष्ट्रिय प्रयोगशालामा नरहेको दाबी गर्छन् ।

तर प्रयोगशालाका सूचना अधिकारी एवं प्रयोगशाला विज्ञ राजेशकुमार गुप्ताले गएको चैत २ गते आइतबारसम्म कोरोना भाइरसको आशङ्कामा चार सय ६७ जनाको नमुना परीक्षण गरिए पनि कसैको रिपोर्ट 'पोजेटिभ' नपाइएको बताउनुहुन्छ ।

नेपालको राष्ट्रिय प्रयोगशालामा रहेका बीएसएल २ र बीएसएल ३ ल्याबहरु विश्व स्वास्थ्य सङ्गठन (डब्लयूएचओ) बाट मान्यता प्राप्त रहेको तथा विश्वको कुनै विकसित देशमा रहेको ल्याबमा गरिने परीक्षण विधिअनुसार नै राष्ट्रिय प्रयोगशालाले नमुना परीक्षण गर्ने गरेको गुप्ताले स्पष्ट पार्नुभयो ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्