परदेशमा रोजगारी गुम्यो भने के गर्नु !

 चैत २८, २०७६ शुक्रबार १८:४१:४९ | मेरो कथा मेरो भोगाई

पदम सुर्खेती, हाल कतार दोहा ।

दोहामा छु । कोरोनाको डर परदेशमा नहुने कुरै छैन । कोरोनाबाट त म हात धोएरै भए पनि बचौंला । तर खै हिजोआज मनमा कोरोनासँगै अनेक कुराको डर लाग्न थालेको छ । कोही के भन्छन्, कोही के ।

कहिले सरकारले श्रमिकलाई तलब दिन्छ भन्ने खबर आउँछ । कहिले श्रमिक नै कटौती गर्छ रे भन्ने सुनिन्छ । मनमा डर लाग्न थालेको छ । मेरो पनि काम भएन भने परिवारको भविष्य के होला ?

जिम्मेवारी मेरो काँधमा छ । बुवाआमा बितेपछि परदेश लागेको हुँ । एक्लो छोरो म ।

आम्दानीको स्रोत पनि अर्को छैन । साना साना छोराछोरी छन् । उनीहरुको पढाइलेखाइ मेरै यहाँको पसिनाले चलेको छ ।

अस्ति समाचारमा पढें, यूएईले श्रमिक कटौतीको व्यवस्था गर्‍यो भनेर । अनि मलाई चिन्ता पर्‍यो ।

मेरो रोजगारदाताले पनि मलाई बेतलबी बिदा दियो वा काम नै बन्द भयो भने मैले के गरौंला ? छोराछोरीको जिम्मेवारी कसरी बहन गर्नु

मेरो कारणले मेरो बालबच्चालाई दुःख भएको म कसरी हेर्न सकौंला ? मनमा अनेक कुरा खेल्छन् ।

काम गरिराख्दा पनि मनमा लाग्छ मलाई नै कोरोना सङ्क्रमण भयो भने के होला ? मन पटकै स्थिरमा छैन ।

पसलमा रासनको भाउ सोध्छु, तर्सन्छु । पुरै तलब खाएर सकियो भने घरमा के पठाउँला ? बालबच्चालाई केही कुराको कमी पो हुने हो कि जस्तो लाग्छ ।

अनि श्रीमतीले पैसा किन नपठाएको भनिन् भने के जवाफ दिउँला ? उनलाई पनि त गाह्रो छ । दिनभरी काम गरेर थाकेको शरीर यस्तै कुरा सोच्दै लोलाउँछ । परदेशीलाई जसो गरे पनि गाह्रो रहेछ ।

याे पनि

 

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • Bhuwan Nepali

    April 23, 2020, 4:05 p.m.

    नेपाल फर्काउ सरकार ......यहाँ खान बस्न सबै हराइसक्यो ...भएको पैसा पनि सकियो / यस्तो बेलामा जति इमेल , फोन गरेपनि कसैले रेस्पोन्स गर्दैन /

  •  0 Reply

  • Rojita sanjel

    April 10, 2020, 8:19 p.m.

    गाउँ फर्क अभियान चलाउ सरकार आफ्नै माटो मा नङ्रा खियाएर बिदेशी भुमि मा जस्तै गरि मेहनत गरे पैसा त धेरै नमिल्ला तर खान लाउन र खुसी त पक्कै मिल्छ

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई